Advertisement

تحقیق کی تعریف

زندگی کے مختلف پہلوؤں کا مدلل اور سائنسی انداز میں کیا ہوا مطالعہ تحقیق کہلاتا ہے، جس کے سہارے زندگی کو حسین اور حسین تر بنایا جا سکتا ہے۔

Advertisement

فن پارہ وجود میں آنے کے بعد تنقید اس کی قدر و قیمت کا تعین کرتی ہے۔ یعنی یہ بتاتی ہے کہ اس میں اچھا کیا ہے اور برا کیا ہے، لیکن ان دونوں کے درمیان ایک اور شے بھی ہے جو اس پر غور کرتی ہے کہ فنکار کون ہے؟ کہاں کا رہنے والا ہے؟ کب پیدا ہوا؟ اور یہ فن پارہ کب، کن حالات میں اور کن اسباب کی بناء پر وجود میں آیا، اس کا نام تحقیق ہے اور تحقیق کے معنی سچ کی تلاش کے ہیں۔

Advertisement

فن پارے کے بارے میں چھان بین بھی ضروری ہے مثلاً وہ فن پارہ شعر ہے تو یہ کھوج کرنی پڑتی ہے کہ اس کی پہلی شکل کیا تھی، بعد کو شاعر نے اس میں کیا ردوبدل کی۔ محقق یعنی تحقیق کرنے والا ان سب باتوں کا پتہ لگاتا ہے اور ہر طرح سے اطمینان کر لینے کے بعد اسے ترتیب دے کر پیش کر دیتا ہے، یہ کام تدوین کہلاتا ہے۔

Advertisement

متن یعنی ٹیکسٹ کی ٹھیک سے تحقیق نہ ہو تو تنقید کی بنیاد کھوکھلی رہتی ہے۔ مثلاً میر تقی میر پر ایک تنقیدی مضمون ایسا لکھا گیا جس میں ایک شعر کو بنیاد بنایا گیا تھا۔ بعد کو تحقیق نے ثابت کردیا کہ یہ شعر میر کا ہی نہیں۔ یہ معلوم ہوتے ہی وہ مضمون بیکار ہوگیا اور تنقید کی عمارت مسمار ہوگئی۔

Advertisement

Advertisement

Advertisement