Advertisement
دل چرا کر نگاہ ہے خاموش
ہوش اور مست ہو کے اتنا ہوش

مست کو چاہیے بلا کا ہوش
خم دیے اور دیا نہ اذن خروش

ہر مسافر سے پوچھ لیتا ہوں
خانہ برباد ہوں کہ خانہ بدوش

ہوس جلوہ اور نظر غافل
کہ نظر ہے صلاۓ جلوہ فروش

شاید اب منزل عدم ہے قریب
یاد خاک وطن ہے طوفان جوش


فضل تیرا شفیع طاقت و زہد
عدل عاصی نواز عصیاں پوش

حجر نے کی مفارقت فانیؔ
لے مبارک ہو موت کا آغوش
Advertisement

Advertisement

Advertisement

Advertisement
Advertisement