Advertisement

تعارف

تاریخ اردو ادب میں بہت کم مصنفہ گزری ہیں جن کو اتنی شہرت ملی ہو جتنی بیگم اختر ریاض الدین کو ملی ہے۔ بیگم اختر ریاض الدین ۱۵ اکتوبر ۱۹۲۸ کو کلکتہ میں پیدا ہوئی۔ آپ نے ابتدائی تعلیم کلکتہ سے حاصل کی اور بعد ازیں انگریزی میں ایم اے کیا۔ آپ کی شادی ریاض الدین سے ہوئی۔ ان کا اصل شعبہ درس تدیس تھا۔ آپ نے ادب لکھنے کی شروعات بیرونی ممالک جانے سے کی۔

Advertisement

ادبی تعارف

اردو ادب میں خواتین لکھاریوں کی شروع ہی سے کمی رہی ہے۔ سفر نامے میں یہ تعداد قلیل ہے۔ نازلی رفیہ سلطانہ بیگم کا سفر نامہ”سیر یورپ“ اور رفیہ فیضی ” کا زمانہ تحصیل “ ایسے ابتدائی سفر نامے ہیں جو ان خطوط پر مشتمل ہیں جو انھوں نے سفر کے دوران اپنے عزیزوں کو لکھے۔ چنانچہ ان سفر ناموں کو سفرنامنے کی ایک تکنیک تو کہا جا سکتا ہے لیکن مکمل سفر نامے نہیں کہلائے جا سکتے۔ ایسی قلت کے دور میں بیگم اختر ریاض الدین کا سفر نامہ” سات سمندر پار “ تازہ ہوا کا جھونکا ثابت ہوا۔

Advertisement

سفر نامے

بیگم اختر ریاض الدین کو اپنے میاں ریاض الدین احمد کے ساتھ بیرون ممالک جانے کا موقع ملتا رہتا تھا۔ جس سے وہ اپنے ہر سفر کا احوال اور تجربات قلم بند کیا کرتی تھیں۔ ان کا مشاہدہ اور انداز بیان بہت اچھا اور منفرد تھا اسی وجہ سے ان کے یہ سفرنامے بہت مقبول اور مشہور ہوئے۔ ان کے طرز بیاں میں ایک ماہرانہ گرفت ہے فنکارانہ آراستگی اپنے عروج پر نظر آتی ہے اور وہ ہلکا پھلکا مزاح جو ان کی نگارش گوہریں میں ایک سلک رشمیں کی طرح بل کھاتا چلا جاتا ہے۔ اس کی سب سے دلکش خصوصیات کا امیتاز دکھتا ہے۔ جس بےساختگی اور بےتکلفی سے مختلف جگہوں کے خیابانوں اور گیشاخانوں ، صنعت و تجارت کے ہنگامہ زاروں اور تعلیم و تربیت کے دبستانوں  کی سیر کرواتی ہیں۔ اسی خوبی سے آپ کا ہاتھ تھام کر روس کے برفستانوں اور عجائب خانوں اور مقبروں اور زیارت گاہوں میں لیے پھرتی ہیں۔

Advertisement

ان کے پہلے سفرنامے’’سات سمندر پار‘‘ (۱۹۶۳ء)کا ادبی دنیا میں شان دار استقبال ہوا تھا اور اس کی وجہ مصنفہ کے اسلوب کی تازگی تھی۔ ان کا دوسرا سفرنامہ دھنک پر قدم بھی اس اسلوب کی وجہ سے مقبول ہوا۔ بے ساختگی ، شگفتگی اوربے تکلفی سے بات کہہ دینے کا انداز بالکل منفرد ہے۔سفر ان کے لیے مسرت کشید کرنے کا ایک ذریعہ ہے جس میں وہ قاری کو بھی شریک کرلیتی ہیں۔ مناظرِ قدرت اور حسنِ فطرت ان کو مسحور کردیتے ہیں اور ان کو بیان کرنا بھی انھیں خوب آتا ہے۔
اگر ہر نئے منظر کو دیکھنے کا اشتیاق اور خوشی اور حیرت کا اندازہ لگایا جائے تو وہ بچوں جیسی معصومیت کا اظہار کرتی دکھائی دیتی ہے۔ بیگم صاحبہ نے دنیا کو ایک غیر جانبدار کی نظر سے دیکھا ہے اور اس معصومیت کو جگایا ہے جو فطرت کا حصہ ہے۔ انھوں نے دنیا کو بازیچہ اطفال سمجھ کر دیکھا اور اس پر ایک شوخ سا تاثر ثبت کیا۔

اعزاز

بیگم اختر ریاض الدین کی ادب کے لیے کی گئی خدمات کی وجہ سے ان کو آدم جی ادبی انعام دیا گیا ہے۔

Advertisement

حرفِ آخر

ان کی عمر ۹۲ برس ہے اور وہ بقید حیات پاکستان میں موجود ہیں۔ وہ حقوق نسواں کے لیے آواز اٹھاتی رہی ہیں اسی سلسلے میں اپنی تنظیم بہبود کو بھی نگرانی کرتی ہیں۔

Advertisement

Advertisement

Advertisement