Advertisement
  • کتاب”دورپاس” برائے نویں جماعت
  • سبق نمبر18:مزاح
  • مصنف کا نام: مشتاق احمد یوسفی
  • سبق کا نام: زیرو ناٹ آؤٹ

خلاصہ سبق:

سبق "زیرو ناٹ آؤٹ” ‘مشتاق احمد یوسفی‘ کا مزاح سے بھرپور مضمون ہے۔یوسفی نے مرزا صاحب کے کرکٹ کھیلنے کے منظر کو بیان کیا ہے کہ یہ وہ میچ تھا جس کا وقت تو صبح دس بجے کا مقرر تھا۔مگر امپائر کا کوٹ دیر سے استری ہو کر آنے کی وجہ سے میچ دیر سے شروع ہوا۔بیٹنگ کے لیے شرط رکھی گئی کہ جو ٹیم ٹاس ہارے گی وہی پہلے بیٹنگ کرے گی۔مرزا بیٹنگ کے لیے سب سے پہلے میدان میں آئے۔ان کے لیے اصل مصیبت مخالف ٹیم کا بالر تھا۔مخالف ٹیم کا بالر پورے ایک فرلانگ سے دوڑتا آتا ایک بارگی جھٹکے سے رک کر کھنکارتا اور پھر نہایت تیزی سے گیند پھینکتا۔یہ بالر صرف دائیں آنکھ سے دیکھ سکتا تھا جبکہ گیند بائیں ہاتھ سے ڈالتا تھا۔

اس کی صورت دیکھ کر کبھی کبھی تو یہ شبہ ہوتا کہ اللہ جانے پھینکے گا بھی یا نہیں۔مرزا بیٹ کو پوری طاقت کے ساتھ گوپھن کی طرح گھمائے جارہے تھے۔تین اوور خالی گئے۔ ایک بار بھی گیند بیٹ سے نہ ٹکرائی۔رن نہ بننے کی بڑی وجہ بالر کی نالائقی تھی۔مرزا اپنا وکٹ ہتھیلی پر لیے پھر رہے تھے۔ایک دو دفعہ مرزا گیند کو باؤنڈری لائن تک چھوڑنے گئے۔ایک اوور میں بالر کی گیند سے مرزا کی ٹوپی سر سے نیچے جا گری اور واپس پہنانے پر وہ تنگ ہو چکی تھی۔

Advertisement

اس کے باوجود مرزا جم کر کھیلے۔مرزا اپنے ساتھی کھلاڑی کو رن بنا نے کے لیے بلاتے۔جب وہ آدھی پچ طے کر لیتا تو مرزا اسے ڈانٹ ڈپٹ کر واپس بھیج دیتے۔اس صورت میں اکثر گیند اس سے پہلے پہنچ جاتی۔ پانچ کھلاڑیوں کے آؤٹ کے بعد کپتان نے کھلاڑیوں کو تنبیہ کی کہ مرزا کے علاوہ کوئی رن نہ بنائے۔مگر اس سب کے باوجود مرزا اپنی ٹیم کے واحد ناٹ آؤٹ کھلاڑی تھے۔ اس لیے زیرو ناٹ آؤٹ ہونے کی وجہ سے ان کاسکور پوری ٹیم میں سب سے اچھا رہا۔وہ فخر سے بتاتے ناٹ آؤٹ یہ بہت بڑی بات ہے۔

سوچیے اور بتایئے:-

بیٹنگ کرنے کے لیے کیا شرط رکھی گئی ؟

بیٹنگ کے لیے شرط رکھی گئی کہ جو ٹیم ٹاس ہارے گی وہی پہلے بیٹنگ کرے گی۔

Advertisement

مخالف ٹیم کا بالرکس طرح گیند پھینکتا تھا ؟

مخالف ٹیم کا بالر پورے ایک فرلانگ سے دوڑتا آتا ایک بارگی جھٹکے سے رک کر کھنکارتا اور پھر نہایت تیزی سے گیند پھینکتا۔

مرزا نہایت جوش وخروش سے کب دوڑ تے تھے؟

اگر گیند ٹیڑھی آتی تو مرزا اس کے پیچھے نہایت جوش و خروش کے ساتھ دوڑتے تھے۔

کپتان نے یہ تنبیہ کیوں کی کہ مرزا کے علاوہ کوئی رن نہ بناۓ؟

مرزا اپنے ساتھی کھلاڑی کو رن بنا نے کے لیے بلاتے۔جب وہ آدھی پچ طے کر لیتا تو مرزا اسے ڈانٹ ڈپٹ کر واپس بھیج دیتے۔اس صورت میں اکثر گیند اس سے پہلے پہنچ جاتی۔ پانچ کھلاڑیوں کے آؤٹ کے بعد کپتان نے کھلاڑیوں کو تنبیہ کی کہ مرزا کے علاوہ کوئی رن نہ بنائے۔

Advertisement

مرزا کا اسکورا پنی ٹیم میں سب سے اچھا کیوں رہا؟

مرزا اپنی ٹیم کے واحد ناٹ آؤٹ کھلاڑی تھے۔ اس لیے زیرو ناٹ آؤٹ ہونے کی وجہ سے ان کاسکور پوری ٹیم میں سب سے اچھا رہا۔

نیچے دی ہوئی خالی جگہوں کو بھریے:

  • پندرہ منٹ کے بعد یہ طے پایا کہ جوٹیم ٹاس ہارے وہی بیٹنگ کرے۔
  • اس کی صورت دیکھ کر کبھی کبھی تو یہ شبہ ہوتا کہ اللہ جانے پھینکے گا بھی یا نہیں۔
  • وہ اپنا وکٹ ہتھیلی پر لیے پھر رہے تھے۔
  • جب امپائر نے مرزا کوٹوپی پہنانے کی کوشش کی تو وہ ایک انچ تنگ ہو چکی تھی۔
  • لیکن مرزا نے آخری وکٹ تک ایک بھی رن بنا کر نہیں دیا۔

نیچے دیے ہوئے محاوروں کو جملوں میں استعمال کیجیے:

جان ہتھیلی پر لیے پھرنا آئےروز ہونے والے حادثات کی وجہ سے یوں معلوم ہوتا ہے کہ گویا آدمی ہر وقت جان ہتھیلی پر لیے پھر رہا ہو۔
ٹل جانامصیبت کا ٹل جانا نعمت خداوندی ہے۔
پاؤں اکھڑ جانامسلسل ہار کا سامنا کرتے ہوئے احمد کا پاؤں اکھڑ گیا۔
جلوس نکالنامرزا نے کرکٹ میچ ہرا کر اپنی ٹیم کی عزت کا جلوس نکال دیا۔

ایک جملے میں جواب دیجئے اور خالی جگہوں میں لکھیے:

  • میچ دیر سے کیوں شروع ہوا؟
  • امپائر کا کوٹ دیر سے استری ہو کر آنے کی وجہ سے میچ دیر سے شروع ہوا۔
  • مرزا کی ٹوپی ایک انچ تنگ کیوں ہو گئی؟
  • بالر نے گیند کھینچ کر ماری جس کی وجہ سے مرزا کی ٹوپی ایک انچ تنگ ہو گئی۔
  • مرزا بیٹ کو کس طرح گھما رہے تھے؟
  • مرزا بیٹ کو پوری طاقت کے ساتھ گوپھن کی طرح گھمائے جارہے تھے۔

نیچے دیے ہوئے لفظوں کے متضاد لکھیے:

جیتہار
دیرسویر
مخالفساتھی
ٹیڑھاسیدھا
سختینرمی
غریبامیر

نیچے دی ہوئی تصویروں کے بارے میں دو دو جملے لکھیے:

بیٹ: بیٹ لکڑی سے بنا ہوتا ہے۔اس کی مدد سے کرکٹ میچ کھیلا جاتا ہے۔
بال: بال گول ہوتا ہے۔اسے گیند بھی کہا جاتا ہے۔یہ کھیلنے کے کام آتا ہے۔
وکٹ:وکٹ کرکٹ میں کھلاڑی کے آؤٹ ہونے کے تعین کے لیے نصب کی جاتی ہے۔ وکٹ کے پچھلی جانب وکٹ کیپر کھڑا ہوتا ہے۔

نیچے دیے ہوئے لفظوں کو ان کے صیح خانوں میں لکھیے:

زرخیز، کھانا،کلدار،دیکھنا،چھوڑنا،ٹہلنا،بے ایمان، اکھڑنا،نکلنا،نالائقی، دوڑنا،پرفضا،جھوٹ، سنوارنا، صاف، پھرنا،لمبا،پھینکنا، خشک، بھرنا۔

Advertisement
صفتفعل
زرخیزکھانا
کلداردیکھنا
بے ایمانچھوڑنا
نالائقیٹہلنا
پر فضااکھڑنا
جھوٹنکلنا
صافدوڑنا
لمباپھینکنا
خشکبھرنا
سنوارناپھرنا
Advertisement

Advertisement
ایجاز کی تعریف | Eejaaz... x
ایجاز کی تعریف | Eejaaz Meaning in Urdu | Urdu Notes