Advertisement
  • کتاب “ابتدائی اردو” برائے دوسری جماعت
  • سبق نمبر12: مضمون
  • سبق کا نام: ہمارے جانور

خلاصہ سبق: ہمارے جانور

ہم اپنی روزمرہ زندگی میں کئی طرح کے جانور دیکھتے ہیں۔ جن میں کچھ جانور گھروں میں پالے جاتے ہیں جنھیں ہم پالتو جانور کہتے ہیں۔جبکہ کچھ جنگل میں رہتے ہیں جو جنگلی جانور کہلاتے ہیں۔

Advertisement

پالتو جانوروں میں گائے ، بھینس، بھیڑ ،بکری ، بلی، کتا ، اونٹ اور گدھا وغیرہ شامل ہیں۔گائے ، بھینس اور بکری سے ہمیں دودھ ملتا ہے۔بھیڑ سے اون حاصل ہوتا ہے۔دودھ سے مکھن اور گھی جبکہ اون سے گرم کپڑے بنتے ہیں۔

Advertisement

جانوروں کے گوبر کی کھاد کھیتوں میں کام آتی ہے۔گھوڑے ، گدھے اور اونٹ سواری کرنے اور بوجھ ڈھونے کے کام آتے ہیں۔بیل سے کھیت جوتنے اور سواری کا کام لیا جاتا ہے۔جنگل میں چھوٹے بڑے ہر طرح کے جانور ہوتے ہیں۔ چھوٹے جانوروں میں خرگوش ، گیدڑ، لومڑی، ہرن وغیرہ جبکہ بڑے جانوروں میں ژراف ، نیل گائے ، ہاتھی اور زیبرا وغیرہ شامل ہیں۔

اس کے علاوہ شیر ، چیتا ، بھیڑیا اور لگر بگڑ وغیرہ ایسے جانور ہیں جو درندے کہلاتے ہیں۔یہ گوشت خور ہوتے ہیں۔ بعض جانور گھاس پوس ، پتے اور پودے کھاتے ہیں۔ مثلاً ہاتھی، ژراف، زیبرا، گینڈا،نیل گائے ،ہرن ،خرگوش اور بارہ سنگھا وغیرہ۔اس کے علاوہ مچھلی ، مگر مچھ اور کچھوا جیسے جانور پانی میں رہتے ہیں۔یہ آبی جانور کہلاتے ہیں۔یہ سارے جانور ہمارا قیمتی سرمایہ ہیں۔ان کی حفاظت ہماری ذمہ داری ہے۔

Advertisement

ان سوالوں کے جواب دیجیے۔

پالتو جانور کسے کہتے ہیں؟

کچھ جانور گھروں میں پالے جاتے ہیں جنھیں ہم پالتو جانور کہتے ہیں۔

دودھ ہمیں کن جانوروں سے ملتا ہے؟

گائے ، بھینس اور بکری سے ہمیں دودھ ملتا ہے۔

Advertisement

گوبر کی کھاد ہمارے کس کام آتی ہے؟

جانوروں کے گوبر کی کھاد کھیتوں میں کام آتی ہے۔

پانی میں کون کون سے جانور رہتے ہیں؟

مچھلی ، مگر مچھ اور کچھوا پانی میں رہتے ہیں۔

Advertisement

بوجھ ڈھونے والے جانور کون سے ہیں ؟

گھوڑے ، گدھے اور اونٹ سواری کرنے اور بوجھ ڈھونے کے کام آتے ہیں۔

خالی جگہوں میں مناسب لفظ لکھیے۔

جانور ، پانی ، گھی ، سرمایہ ،جوتنے۔

Advertisement
  • دودھ سے مکھن اور گھی بنایا جاتا ہے۔
  • بیل سے کھیت جوتنے کا کام لیا جاتا ہے۔
  • جنگل میں چھوٹے بڑے ہر طرح کے جانور ہوتے ہیں۔
  • ان کے علاوہ کچھ جانور پانی میں بھی رہتے ہیں۔
  • یہ سارے جانور ہمارا قیمتی سرمایہ ہیں۔

دیے ہوئے جملوں کے سامنے صحیح یا غلط کا نشان لگائیے۔

  • بکری جنگلی جانور ہے۔❎
  • چیتا پالتو جانور نہیں ہے۔✅
  • مچھلی زمین پر رہتی ہے۔❎
  • اونٹ بوجھ ڈھونے کے کام آتا ہے۔✅
  • بھیڑ سے ہمیں اون ملتا ہے۔✅
  • ہاتھی گوشت خور جانور ہے۔❎

مثال دیکھ کر نیچے دیے ہوئے لفظوں میں ‘ں’ ملا کر لکھیے۔

بھیڑبھیڑیں
کرنکرنیں
سڑکسڑکیں
بھینسبھینسیں
کتابکتابیں
چیزچیزیں
کھادکھادیں

نیچے دیے ہوئے حروف سے بننے والے دو دو لفظ لکھیے۔

ن،ر،ہ = نہر ، ہرن
ت،ر،ا = رات ، تار
ر،گ،م =گرم ، مرگ
ب،ل،ے = بیل ، لیب

دیے ہوئے خانوں کے مطابق تین تین نام لکھیے۔

پالتو جانورجنگلی جانورآبی جانور
بکریشیرمگرمچھ
بھیڑچیتامچھلی
بلیہرنکچھوا

سوچیے اور بتایئے۔

جنگل کا راجا کس جانور کو کہا جاتا ہے؟

جنگل کا راجا شیر کو کہا جاتا ہے۔

ایسے جانوروں کا ںام بتائیے جن کا ذکر اس سبق میں نہ آیا ہو؟

خچر ، مرغی ،لومڑی وغیرہ۔

Advertisement

کن جانوروں کے سینگ نہیں ہوتے ہیں؟

جو جانور خونخوار نہیں ہوتے اور لڑائی نہیں کرتے ہیں ان کے سینگ نہیں ہوتے ہیں۔

پالتو جانوروں سے کیا کیا فائدے ہیں ؟

پالتو جانوروں سے ہمیں دودھ، مکھن اور اون وغیرہ حاصل ہوتا ہے۔

Advertisement

مکھن اور گھی کے علاوہ دودھ سے اور کیا کیا چیزیں بنتی ہیں؟

مکھن اور گھی کے علاوہ دودھ سے دہی ، پنیر اور مکھن وغیرہ حاصل کیا جاتا ہے۔

نیچے دیے ہوئے جانوروں کے نام لکھیے۔

بکری ، چیتا 🐅، مچھلی 🦈، اونٹ 🐫 ، بھیڑیا ، ہاتھی۔🦣

Advertisement

خوش خط لکھیے۔

بارہ سنگھا، بھیڑیا ، ژراف ، گینڈا ، مگرمچھ۔

نیچے دی ہوئی تصویریں چارٹ پر بنائیے اور ان کے نام لکھیے۔

  • گائے ، بھینس ، بھیڑ
  • زیبرا ، بلی ، شیر
  • خرگوش ، ریچھ ، کچھوا
  • گھوڑا ، اونٹ ، بکری

Advertisement