‘ڈ’ اور ‘ر’ کے محاورے

Back to: Urdu Muhavare Collection

محاورے	معانی	جملے
ڈٹ جانا	جم کر کھڑا ہو جانا	زندگی کی مصیبتوں کے سامنے ڈٹ جانا ہی انسان کا کام ہے۔
ڈنکے کی چوٹ کہنا	اعلانیہ کہنا	میں یہ بات ڈنکے کی چوٹ پر کہہ سکتا ہوں۔
ڈنکا بجنا	بول بالا ہونا	اس کی قابلیت کا تو تمام شہر میں ڈنکا بج رہا ہے۔
ڈھلتی پھرتی چھاؤں ہونا	زوال کی حالت ہونا	دولت تو ڈھلتی پھرتی چھاؤں ہے اس کا کیا اعتبار ہے۔
ڈکار جانا	بے ایمان ہو کر ہضم کرجانا	اس نے غریب کی امانت ڈکار جانے میں ذرا بھی تامل نہ کیا۔

‘ر’ کے محاورے

محاورے	معانی	جملے
رائی کا پہاڑ بنانا	بات کو بڑھا کر پیش کرنا	کیوں رائی کا پہاڑ بنا رہے ہو؟ بات اتنی تو نہ تھی۔
رنگ رلیاں منانا	خوشی منانا	باپ کے مرنے کے بعد تو وہ رنگ رلیاں منا رہا ہے۔
رال ٹپکنا	لالچ ہونا	حلوائی کی دکان پر تازہ رس گولے دیکھ کر اس کی رال ٹپک پڑی۔
ریت کی دیوار کھڑی کرنا	بے فائدہ کام کرنا	یہ سکیم تو ریت کی دیوار ہے۔
رسی کا سانپ بنانا	جھوٹ کو سچ بنانا	وکیل تو رسی کا سانپ بناتے ہیں۔
رات آنکھوں میں کاٹنا	مصیبت میں جاگنا	میری حالت ان دنوں کیا پوچھتے ہو، رات آنکھوں میں کٹ رہی ہے۔
رات سولی پر کاٹنا	تکلیف اٹھانا	اس نے وہ رات سولی پر کاٹی تھی۔
رونگٹے کھڑے ہونا	ڈر جانا	مجنوں گورکھپوری کی کہانی سن کر میرے رونگٹے کھڑے ہو گئے۔
رنگ فق ہونا	ڈر جانا	شیر کو اپنی طرف آتے دیکھ کر اس کا رنگ فق ہو گیا۔
رنگ جمانا	سکہ بٹھانا	مشاعرہ میں فیض نے اپنا رنگ جمادیا۔