Back to: Ibtedai Urdu Class 5 Solutions | Chapterwise Notes
- کتاب” ابتدائی اردو” برائے پانچویں جماعت۔
- سبق نمبر07: نظم
- نظم کا نام: میری پتنگ
- شاعر کا نام: محبوب راہی
نظم میری پتنگ کی تشریح
| کتنی پیاری پتنگ ہے میری دیکھ کر عقل دنگ ہے میری کیسے خوش رنگ، رنگ ہیں ا س کے رنگ کیا شوخ و شنگ ہیں اس کے |
درج بالا اشعار محبوب راہی کی نظم پتنگ سے لیے گئے ہیں۔ اس بند میں شاعر بچے کی زبانی اس کی پت گ کی خوبیاں بیان کرواتے ہوئے کہتا ہے کہ بچے کی پتنگ بہت خوبصورت ہے جسے دیکھ کر اس کی عقل بھی حیران رہ جاتی ہے کہ یہ پتنگ بہت سے خوش رنگ ، رنگوں کے کاغذوں سے بنی ہوئی ہے۔ یہ تمام کے تمام رنگ شوق رنگ ہیں جو اس پتنگ کی خوبصورتی میں اضافہ کرتے ہیں۔
| آسمانوں میں جا کے اڑتی ہے ڈولتی ہے ادا سے مڑتی ہے ڈور بھی کاٹ دار ہے اس کی مثل کاٹ دھار ہے اس کی |
اس بند میں شاعر کہتا ہے کہ اس خوبصورت پتنگ کے اڑنے کا انداز بھی انوکھا ہے کہ یہ آسمان کی بلندیوں میں جا کر اڑتی ہے اور جب یہ پیچھے کو مڑےی یے تو اس کے مڑنے کا انداز ایک خاص ادا لیے ہوتا ہے۔ یہی نہیں بلکہ اس کی ڈور کی بھی یہ خوبی ہے کہ یہ بہت تیز کاٹ دار دھار لیے ہوتی ہے۔ اس کاٹ دار دھار والی ڈور کی مثال تلوار کے تیز دھار جیسی ہے جو کچھ بھی کاٹ کر رکھ دے۔
| اوپر اٹھتی ہے نیچے آتی ہے دائیں اور بائیں گھوم جاتی ہے جب کبھی میں اسے اڑاتا ہوں تو خلاؤں میں خود کو پاتا ہوں |
اس بند میں شاعر کہتا ہے کہ یہ پتنگ کبھی اوپر کو جاتی تو کبھی نیچے آتی اور کبھی دائیں بائیں کو چلی جاتی ہے۔ بچہ یہ کہتا ہے کہ جب کبھی بھی میں اسے اڑاتا ہوں تو اس پتنگ کے ساتھ میں خود کو بھی خلاؤں اور ہواؤں میں اڑتا ہوا محسوس کرتا ہوں۔
| مجھ کو ایک دن بلند ہونا ہے ہر کسی کی پسندہونا ہے تیز کرتی امنگ ہے میری کتنی پیاری پتنگ ہے میری |
اس بند میں شاعر بچے کی زبانی کہتا ہے کہ اس پتنگ کی طرح مجھے بھی ایک دن بلند ہونا ہے اور بلندیوں میں اڑ کر ہو کسی کی پسند بننا ہے۔ جسے کہ پتنگ کو سب اچھا کہتے ہیں۔ یہ پتنگ میری امنگ کو اور بڑھاتی ہے یہ پتنگ بہت پیاری ہے۔
سوچیے بتائیے اور لکھیے:
پتنگ دیکھ کر بچے کی عقل کیوں دنگ ہے؟
بچے کی پتنگ خوبصورت ہے اور یہ خوش رنگ کاغذوں سے بنی ہوا میں ڈولتی جاتی ہے جس وجہ سے بچے کی عقل دنگ ہے۔
پتنگ کی ڈور کیسی ہے؟
پتنگ کی ڈور کاٹ دار تلوار کی دھار جیسی ہے۔
پتنگ بچے میں کون سی امنگ پیدا کرتی ہے؟
پتنگ بچے میں بلندی تک پہنچنے اور کامیاب ہونے کی امنگ پیدا کرتی ہے۔
پتنگ اڑاتے ہوئے بچہ خود کو کہاں پاتا ہے؟
پتنگ اڑاتے ہوئے بچہ خود کو خلاؤں میں پاتا ہے۔
اس نظم میں بیان کی گئی پتنگ کی چند خوبیاں لکھیے۔
پتنگ خوش رنگوں سے بنی ہے۔ اس کی ڈور تیز اور تلوار جیسی دھار رکھتی ہے۔ یہ پتنگ بچوں میں بلندیوں میں اڑنے کی امنگ جگاتی ہے۔
نظم کے مطابق مصرعوں کے جوڑ ملائیے۔
الف:
کتنی پیاری پتنگ ہے میری
ڈور بھی کاٹ دار ہے اس کی
کیسے خوش رنگ، رنگ ہیں ا س کے
جب کبھی میں اسے اڑاتا ہوں
مجھ کو ایک دن بلند ہونا ہے
ب:
تو خلاؤں میں خود کو پاتا ہوں
ہر کسی کی پسندہونا ہے
دیکھ کر عقل دنگ ہے میری
رنگ کیا شوخ و شنگ ہیں اس کے
مثل کاٹ دھار ہے اس کی
ج:
- کتنی پیاری پتنگ ہے میری
- دیکھ کر عقل دنگ ہے میری
- ڈور بھی کاٹ دار ہے اس کی
- مثل کاٹ دھار ہے اس کی
- کیسے خوش رنگ، رنگ ہیں ا س کے
- رنگ کیا شوخ و شنگ ہیں اس کے
- جب کبھی میں اسے اڑاتا ہوں
- تو خلاؤں میں خود کو پاتا ہوں
- مجھ کو ایک دن بلند ہونا ہے
- ہر کسی کی پسندہونا ہے
ان لفظوں کے متضاد لکھیے:
| الفاظ | متضاد |
| بلند | پست |
| آسمان | زمین |
| دائیں | بائیں |
| اوپر | نیچے |
| خوش رنگ | بد رنگ |
| تیز | آہستہ |
| دن | رات |
| اٹھنا | بیٹھنا |
خوش رنگ دو لفظوں ‘خوش’ اور ‘رنگ’ سے مل کر بنا ہے۔ اس کے معنی ہیں اچھے رنگ والا/ والی آپ بھی خوش لگا کر چھے الفاظ بنائیے۔ جیسے خوش + مزاج = خوش مزاج۔
خوش بو ، خوش شکل ، خوش طبیعت ، خوش اخلاق ، خوش خط ، خوش خبری۔
نیچے دی ہوئی پتنگوں پر کچھ نام لکھے ہیں۔ ان پتنگوں میں ڈور نہیں بندھی ہے۔ ان میں ڈور باندھ کر صحیح بچے کے ہاتھ میں دیجئے۔
| اسم خاص: | گنگا ، ہمالیہ ، ممبئی ، قطب مینار ، عارف۔ |
| اسم عام: | قلم ، گاڑی ، تلوار ، جھیل ، پتنگ۔ |
کاٹ دار تیز دھار والے کے معنی میں استعمال ہوا ہے۔ یہ دو لفظوں ‘کاٹ’ اور ‘ دار’ سے مل کر بنا ہے۔ نیچے دیے ہوئے لفظوں کے بعد دار لگا کر لفظ بنائیے اور خالی جگہوں میں ان کے معنی لکھیے۔
| شان+ دار= | شان والا |
| ہوا+ دار= | ہوا والا |
| مال+ دار= | مال و دولت رکھنے والا |
| ایمان+ دار= | ایمان والا |
| دنیا+ دار= | دنیا داری کرنے والا |
| مزے+ دار= | مزیدار / لذیذ |
| جان+ دار= | جان رکھنے والا |
| سمجھ+ دار = | سمجھ بوجھ رکھنے والا |
بلند آواز سے پڑھیے اور خوش خط لکھیے۔
خوش رنگ ، مثل ، خلا ، اُمنگ ، شوخ و شنگ۔
پتنگ پر پانچ جملے لکھیے۔
- پتنگ کاغذ سے بنایا جاتا ہے۔
- پتنگ کو بنانے کے لیے مختلف رنگوں اور ڈیزائن کا کاغذ استعمال کیا جاتا ہے۔
- پتنگ عموماً بسنت کے تہوار پر اڑائے جاتے ہیں۔
- پتنگ اڑانے کے لیے کیمیکل سے بنی ایک مخصوص ڈور استعمال کی جاتی ہے۔
- پتنگ بازی بچوں اور نوجوانوں میں یکساں مقبول ہے۔
