Advertisement

سوال: مندرجہ ذیل اقتباس کی تشریح کیجئے۔

⭕️اقتباس: انٹرنیٹ کا سب سے بڑا فائدہ یہ ہے کہ وہ فاصلوں کو نہایت تیزی کے ساتھ ختم کرتا ہے۔ ہم دنیا کے کسی بھی حصے میں کسی بھی شخص سے فوراً رابطہ کرتے ہیں۔ اس کے ذریعے آن کی آن میں پیغامات اور تصویریں بھیجی جا سکتی ہیں۔ ویب سائٹ میں محفوظ ہر قسم کی معلومات بٹن دباتے ہی کمپیوٹر سے حاصل کی جا سکتی ہیں۔ کتب خانوں سے فائدہ اٹھایا جاسکتا ہے۔ علوم کے ماہرین، تاجر، صنعت کار اور پیشہ ور حضرات اس کی مدد سے اپنا کام بہت عمدہ طریقے سے اور بہت جلد پورا کر سکتے ہیں۔

Advertisement

حوالہ: یہ سبق ہماری نصابی کتاب ”جان پہچان“ میں شامل ہے اور سبق مضمون "انٹرنیٹ” سے لیا گیا ہے۔

Advertisement

تشریح : تیزی سے آگے بڑھتے ہوئے اس زمانے میں انٹرنیٹ کا سب سے بڑا فائدہ یہ ہے کہ وہ ہمارے بیچ کے فاصلوں کو بہت جلدی ختم کر دیتا ہے۔ ہم اس دنیا کے کسی بھی ملک میں اور کسی بھی شخص سے فوراً بات کر سکتے ہیں یا رابطہ کر سکتے ہیں۔ اس انٹرنیٹ کے ذریعے کچھ ہی لمحوں میں اپنے پیغامات یا تصویریں ایک دوسرے کو بھیج سکتے ہیں۔ جو الگ الگ طرح کی معلومات ویب سائٹوں میں محفوظ رہتی ہے وہ بٹن دبانے سے ہمیں حاصل ہوسکتی ہے۔ بڑی بڑی کتابیں جو انٹرنیٹ پر ہوتی ہیں ان سے ہم فائدہ اٹھا سکتے ہیں۔ علم و ہنر کے استاد اور ماہر سوداگر، کاریگر اور دھندہ کرنے والے لوگ اس انٹرنیٹ کے ذریعے اچھے انداز میں اپنا کام پورا کر سکتے ہیں۔

Advertisement

⭕️ غور کیجئے:

▪️ موجودہ زمانے میں انٹرنیٹ تقریباً ہر شہر میں ہے۔
▪️انٹرنیٹ کو کئی طریقے سے استعمال میں لایا جا سکتا ہیں۔
▪️انٹرنیٹ کے استعمال کے طریقے جو اس کتاب میں نہیں ہیں اور آپ کو معلوم ہے انہیں لکھیں۔
▪️کمپیوٹر کے ذریعے کوئی چیز یا کوئی پیغام یا کوئی اور کاغذی تحریر ای میل کے ذریعے پہنچائی جاسکتی ہے شرط یہ ہے کہ جس کے پاس آپ پہنچا رہے ہیں اس کے پاس آپ کا ای میل ہونا چاہیے۔
▪️ای ٹکٹ : ریل، بس اور جہاز کے ٹکٹ کے لئے ہمیں کہیں جانے کی ضرورت نہیں ہیں۔ ہم کمپیوٹر کے ذریعے ٹکٹ بک کرا سکتے ہیں اور اس کی رقم ہمارے بینک اکاؤنٹ سے خود بخود ادا ہوجاتی ہے۔
▪️اے ٹی ایم بھی انٹرنیٹ کے ذریعے کام کرتا ہے۔ اگر ہمارے پاس اے ٹی ایم کارڈ ہے تو ہم بہت جلدی اپنے بینک اکاؤنٹ سے پیسے نکال سکتے ہیں۔

⭕️سوالات و جوابات⭕️

سوال 1:مواصلاتی نظام کسے کہتے ہیں؟

جواب :یہ نیا اور ترقی یافتہ ذریعہ ہے جس سے ہم کوئی پیغام ایک جگہ سے دوسری جگہ فوراً پہنچا سکتے ہیں اسے مواصلاتی نظام کہتے ہیں۔

Advertisement

سوال2:مواصلاتی نظام میں کون کون سے وسائل شامل ہیں؟

جواب :مواصلاتی نظام میں تار، ٹیلیفون، ٹیلی ویژن، موبائل اور انٹرنیٹ وغیرہ جیسے وسائل بھی شامل ہیں۔

سوال 3: انٹرنیٹ کیسے کام کرتا ہے؟

جواب :انٹرنیٹ کو کام میں لینے کے لئے تین چیزوں کی ضرورت ہوتی ہے۔
1: موڈیم (MODEM)
2: ٹیلیفون یا موبائل کنکشن
3: انٹرنیٹ سروس مہیا کرانے والی تنظیم۔
موڈیم (MODEM) ایک آلہ ہے جو کمپیوٹر کے اعدادوشمار اور عبارتوں کو ایک خاص قسم کے اشاروں میں تبدیل کر دیتا ہے۔ یہ اشارے ٹیلیفون یا موبائل کے ذریعہ دنیا کے کسی بھی حصہ میں بھیجے جا سکتے ہیں۔ انہیں حاصل کرنے والا موڈیم (MODEM) اشاروں کو دوبارہ اعدادوشمار اور عبارت میں بدل دیتا ہے۔ اس طرح ہم آنے والے پیغام کو اپنے کمپیوٹر یا موبائل کے پردے پر پڑھ سکتے ہیں۔

Advertisement

سوال 4:ای۔میل بھیجنے کا کیا طریقہ ہے؟

جواب : دراصل ای۔میل انٹرنیٹ خدمات کا ایک اہم حصہ ہے جو پیغامات کو اشاروں میں تبدیل کرکے ایک جگہ سے دوسری جگہ بھیجتا ہے۔ اس کے لئے ہمیں ای میل کا پتہ معلوم ہونا ضروری ہے۔ ای۔میل کا پتہ ہم اپنی مرضی سے مقرر کر سکتے ہیں یہ پتہ عام طور پر اپنے پورے نام یا اس کے مخفف (SHORT) نام کو انٹرنیٹ سروس کے نام کے ساتھ جوڑ کر بنایا جاتا ہے۔

سوال 5:موڈیم کسے کہتے ہیں؟

جواب : موڈیم ایک آلہ ہے جو کمپیوٹر کے اعداد و شمار اور عبارتوں کو ایک خاص قسم کے اشاروں میں تبدیل کر دیتا ہے۔

Advertisement

سوال 6: بینک کے نظام میں انٹرنیٹ کس طرح مفید ہے؟

جواب : بینکوں میں اے ٹی ایم ہوتے ہیں جس کا پورا نام آٹومیٹک ٹرانزیکشن مشین (Automatic Transaction Machine) ہے۔ یہ مشین انٹرنیٹ کے ذریعے کام کرتی ہے۔ ہمارا بینک کھاتہ دنیا کے کسی بھی حصے میں ہو، اسے انٹرنیٹ کے ذریعے کہیں بھی استعمال میں لایا جا سکتا ہے، بینک ہر کھاتے دار کا ایک پہچان کارڈ جاری کرتا ہے اس کارڈ کو اے ٹی ایم میں ڈالنے سے کمپیوٹر ہماری پہچان کر لیتا ہے۔ پہچان قائم ہوتے ہی ہم رقم نکال سکتے ہیں۔ بس بٹن دبا کر گنی گنائی رقم ہمارے ہاتھوں میں آ جائے گی۔

سوال 7: ای ٹکٹ کسے کہتے ہیں؟

جواب : ہمیں بس، ریل اور ہوائی جہاز کے ٹکٹ لینے کے لیے کہیں جانے کی ضرورت نہیں ہے۔ ہم کمپیوٹر کے ذریعے اپنا ٹکٹ بک کرا سکتے ہیں۔ ٹکٹ کی رقم ہمارے بینک اکاؤنٹ سے خود بخود ادا ہو جاتی ہے۔

Advertisement

سوال8: انٹرنیٹ سے طلبا کو کیا فائدہ ہیں؟

جواب : انٹرنیٹ کے ذریعہ دنیا کی بڑی بڑی لائبریریاں ہمیں کمپیوٹر پر مل سکتی ہے۔ ان سے اپنی پسند کی کتاب نکال کر پڑھی جاسکتی ہیں اس کا سب سے زیادہ فائدہ یقینی طور پر طلبا کو ہو سکتا ہے۔

⭕️نیچے لکھے ہوئے الفاظ کے واحد بنائیے؟

الفاظواحد
تصاویرتصویر
اطلاعاتاطلاع
ماہرینماہر
معلوماتمعلوم
کتبکتاب
اخباراتاخبار
مضامینمضمون
اعدادعدد
آلاتآلہ

⭕️ عملی کام

🔺 انٹرنیٹ کے تمام طریقے جاننے کے لیے ضروری ہے کہ پہلے انٹرنیٹ کا کنکشن لیا جائے۔
🔺یا پھر کسی سائبر کیفے میں جاکر انٹرنیٹ کے بارے میں معلومات حاصل کی جائے۔
🔺 یا دونوں میں سے کسی ایک طریقے پر عمل کیا جائے۔
🔺یا پھر آپ کے کسی دوست جس کے پاس انٹرنیٹ کنکشن ہو اس کے یہاں جاکر انٹرنیٹ سیکھا جائے۔
🔺یاد رکھیں موجودہ زمانے میں انٹرنیٹ کی تعلیم و تربیت ضروری ہے۔سچ تو یہ ہے کہ اس کے بغیر موجودہ زمانے میں ترقی حاصل کرنا ممکن نہیں ہے۔
🔺اگر آپ انٹرنیٹ سیکھ گئے ہیں اور آپ کے پاس کمپیوٹر اور انٹرنیٹ کنکشن ہے تو اس کے ذریعے اپنے دوستوں عزیزوں کو فائدہ اٹھانے کی تحریک دیجئے۔ تاکہ وہ بھی آپ کی طرح دنیا کی ترقی میں حصہ دار بن سکے۔

Advertisement
تحریر:ارمش علی خان محمودی بنت طیب عزیز خان محمودی
Advertisement

Advertisement

Advertisement