Advertisement
  • کتاب “ابتدائی اردو” برائے دوسری جماعت۔
  • سبق نمبر19: نظم
  • نظم کا نام: پہیلیاں

نظم پہیلیاں کی تشریح:

نیچے پٹکو اوپر جاتی
اوپر سے پھر نیچے آتی
اونچی اونچی کود لگاتی
گول گول ہوں تم کو بھاتی

اس پہیلی میں جس چیز کا ذکر کیا گیا ہے وہ “گیند” ہے یعنی جس کو اگر زمین پہ پٹکا جائے تو وہ اوپر کی طرف جا کر پھر نیچے بھی کوٹتی ہے۔ یہ گیند اونچی اونچی اچھلتی بھی ہے اور دیکھنے میں گول لگتی ہے اور ہم سب کو اچھی بھی لگتی ہے۔

Advertisement
ایک پہیلی میں کہوں
تو سن کے میرے پوت
بنا پروں کے اڑ گئی
باندھ گلے میں سوت

اس پہیلی میں جس بنا پر کے اڑنے والی شے کا ذکر کیا گیا ہے وہ ” پتنگ ” ہے۔ بچے کو مخاطب کرکے اس سے ایک پہلی بتانے کا ذکر کیا گیا ہے کہ پتنگ بغیر پروں کے بھی اونچا اڑ لیتی ہے اس وقت اس کے گلے میں صرف ایک سوت کا دھاگا بندھا ہوتا ہے جو اسے اونچا اڑا کر لے جاتا ہے۔

Advertisement
ایک تھال موتیوں سے بھرا
سب کے سر پر اوندھا دھرا
چاروں اور وہ تھال پھرے
موتی اس سے اک نہ گرے

اس پہلی میں جس چیز کا ذکر کیا گیا ہے وہ آسمان پہ موجود “تارے ” ہیں۔ آسمان پر موجود تاروں کو موتیوں سے بھرا ہوا تھال کہا گیا ہے۔ یہ تھال آسمان سے زمین کی طرف اوندھا(الٹا) کیا گیا ہے مگر پھر بھی اس میں سے کوئی موتی یعنی تارہ زمین پہ نہیں گرتا ہے۔

اس کے کان پہ میرا منھ
میرے منھ پر اس کا کان
پاس نہیں ہم دونوں پھر بھی
باتیں کیں کیسے؟ پہچان

اس پہیلی میں جس چیز کا ذکر کیا گیا ہے وہ “موبائل فون” ہے۔ موبائل فون آدمی کے کان سےلگا ہوتا ہے یعنی فون کا منھ آدمی کے کان سے جبکہ آدمی کا منھ فون سے جڑا ہوتا ہے۔ اس فون کے ذریعے بنا دیکھے دور کے لوگوں کو پہچان کر ان سے بات کی جاتی ہے۔

Advertisement
پتی پتی اس کی ہری ہے
پس جائے تو لال پری ہے
پیاری پیاری اس کی لالی
اس سے خوش ہر لڑکی بالی

اس پہیلی میں جس شے کا ذکر کیا گیا ہے وہ ” مہندی” ہے۔ مہندی جب اگائی جاتی ہے تو وہ ہری پتیوں کی صورت میں ہوتی ہے مگر اس کو خشک کرکے پیسا جائے تو گیلا ہو ے کے بعد وہ لال رنگ دیتی ہے۔ اس کے رنگ سے لال لال لالی آ جاتی ہے اور اس کو لگا کر ہر لڑکی خوش ہو جاتی ہے۔

ان سوالوں کے جواب دیجیے۔

ان پہیلیوں کے جواب دیجیے۔

گیند ، پتنگ ، آسمان اور تارے ، موبائل فون ، مہندی۔

Advertisement

آپ کو ان پہیلیوں میں سے کون سی پہیلی زیادہ پسند آئی اور کیوں؟

مجھے ان پہیلیوں میں سے یہ پہیلی زیادہ پسند آئی۔
ایک تھال موتیوں سے بھرا
سب کے سر پر اوندھا دھرا
چاروں اور وہ تھال پھرے
موتی اس سے اک نہ گرے
اس پہیلی کی خوبصورتی یہ ہے کہ اس میں نہ صرف جواب پوری طرح چھپا ہوا ہے بلکہ اس می۔میں شاعرانہ حسن بھی پایا جاتا ہے یعنی آسمان کو تھال سے اور تاروں کو موتیوں سے تشبیہ دی گئی ہے۔

ان پہلیوں کے علاوہ جو پہیلی یاد ہو سنائیے۔

میں ایک پھل ہوں کھٹا میٹھا، بچے شوق سے کھاتے ہیں
آخری دونوں حرف مٹا کر، سبزی مجھ کو بناتے ہیں
جواب: آلوچہ۔

Advertisement

خود ہلے دوسروں کو ہلائے
اس ہلنا من کو بھائے
جواب: پنکھا

نیچے دی ہوئی تصویروں کے نام لکھیے۔

تھال ، مہندی ، گیند ، پتنگ ، موبائل فون ، تاروں بھرا آسمان۔

Advertisement

حصہ ‘الف’اور ‘ب’کے صحیح جوڑ ملائیے۔

الفب
کان 4
منھ 6
مہندی کا درخت 5
پر 2
موتی 7
پری 3
لڑکی 1

خوش خط لکھیے۔

نیچے ، پہیلی ، اوندھا ، پہچان ، پتّی۔

Advertisement