Back to: Best Urdu Ghazals
- کشتی تیرا نصیب چمکدار کر دیا
- اِس پار کے تھپیڑوں نے اُس پار کر دیا
- افواہ تھی کہ میری طبعیت خراب ہے
- لوگوں نے پوچھ پوچھ کے بیمار کر دیا
- راتوں کو چاندنی کے بھروسے نہ چھوڑنا
- سورج نے جنگوؤں کو خبردار کر دیا
- رُک رُک کے لوگ دیکھ رہے ہیں میری طرف
- تم نے ذرا سی بات کو اخبار کر دیا
- اس بار ایک اور بھی دیوار گِر گئی
- بارش نے میرے گھر کو ہوا دار کر دیا
- بولا تھا سچ تو زہر پلایا گیا مجھے
- اچھائیوں نے مجھ کو گناہ گار کر دیا
- دو گز سہی مگر یہ میری ملکیت تو ہے
- اے موت تُو نے مجھ کو زمیندار کر دیا
راحت اندوری
