Advertisement

کتاب”اردو گلدستہ” برائے ساتویں جماعت
سبق نمبر03:نظم
شاعر کا نام: اکبرالہ آبادی
نظم کا نام:آموں کی فرمائش

Advertisement

نظم آموں کی فرمائش کی تشریح

نامہ نہ کوئی یار کا پیغام بھیجئے
اس فصل میں جو بھیجئے بس آم بھیجئے

یہ شعر اکبرالہ آبادی کی نظم “آموں کی فرمائش” سے لیا گیا ہے۔اس شعر میں شاعر آموں سے اپنی محبت کا اظہار کرتے ہوئے لکھتا ہے کہ مجھے کوئی خط یا کسی بھی دوست کا کوئی پیغام موصول نہ ہو بلکہ اگر اس موسم میں کوئی دوست احباب مجھ سے محبت جتانا ضروری خیالا کرتا ہے تو وہ مجھے اس موسم میں محض فصل کے آم ہی بھیج دے۔

Advertisement
ایسا ضرور ہو کہ انہیں رکھ کے کھا سکوں
پختہ اگرچہ بیس تو دس خام بھیجئے

اس شعر میں شاعر آم بھیجنے والوں سےکہتا ہے کہ اگر مجھے آم بھیجنا ہو تو اس بات کا لازمی خیال رکھا جائے کہ سارے آم پکے ہوئے اور تیار نہ ہوں کہ اںھیں مجھے جلد از جلد کھ اکر ختم کونا ہوں گے۔ بلکہ مجھے ایسے آم بھیجنا کہ اس میں کچھ پکے اور کچھ کچے ہوں تا کہ میں انھیں کچھ عرصہ پکنے کے لیے رکھ چھوڑوں تا کہ بعد میں ، میں ان آموں کو کچھ عرصہ تک کھا سکوں۔

معلوم ہی ہے آپ کو بندے کا ایڈریس
سیدھے الہ آباد مرے نام بھیجئے

اس شعر میں شاعر آم بھیجنے والوں کو مخاطب کرکے کہتا ہے کہ آپ سب لوگوں کو میرا پتا تو معلوم ہی ہے اس لیے سیدھے الہ آباد میں میرے نام پہ آم روانہ کردو۔

Advertisement
ایسا نہ ہو کہ آپ یہ لکھیں جواب میں
تعمیل ہوگی پہلے مگر دام بھیجئے

اس شعر میں شاعر کہتا ہے کہ اب جب کہ میں نے آموں کی فرمائش کی ہے تو ایسا نہ ہو کہ مجھے جوابی خط ملنے لگ جائیں۔جس میں آپ نے یہ تحریر کیا ہو کہ پہلے مجھے رقم بھیجں تو اس صورت میں آپ مجھے آم بھیجں گے۔

سوالات:

شاعر اس نظم میں کس چیز کی فرمائش کر رہا ہے؟

شاعر اس نظم میں آموں کی فرمائش کر رہا ہے۔

Advertisement

تعمیل ہوگی ، پہلے مگر دام بھیجے“ کا مطلب اپنے لفظوں میں لکھیے۔

اس سے مراد ہے کہ شاعر نے جو آم بھیجنے کی فرمائش کی تو جوابی خط یہ نہ آئے کہ آپ کے حکم کی تعمیل ہوگی لیکن پہلے ان کی ادائیگی کیجیے۔

شاعر نے پختہ ( پکے ) آموں کے ساتھ چند خام (کچے آموں کی فرمائش کیوں کی ہے؟

شاعر نے پختہ آموں کے ساتھ چند کچے آم اس لیے منگوائے ہیں کہ پکے یا تیار آم فورا کہا لیے جائیں گے کہ ان کو کچھ وقت تک رکھا نہیں جا سکے گا مگر کچے آموں کو کچھ عرصہ تک محفوظ کیا جا سکے گا تا کہ وہ پک کر تیار ہو تو ان کو کھایا جائے۔

Advertisement

مختلف آموں کی تصویر میں بنا کر ان میں رنگ بھریے۔

Advertisement