Urdu Muhavare List With Sentences | Urdu Notes | حرف ' پ ' کے محاورے

Back to: Urdu Muhavare Collection

محاورے	معانی	جملے
پانی پانی ہونا	شرمندہ ہونا	جب میں نے اسے اس کے کرتوت بتائے تو وہ پانی پانی ہو گیا۔
پھولے نہ سمانا	بے حد خوش ہونا	امتحان کی کامیابی کی خبر سن کر وہ خوشی سے پھولے نہ سمایا۔
پاپڑ بیلنا	کئی کام کرنا	موہن نے کئی پاپڑ بیلے مگر ابھی تک کامیاب نہ ہوا۔
پروان چڑھنا	جوان ہونا	تم اپنے ماموں کی محبت کے سائے میں پروان چڑھے ہو۔
پالا پڑنا	واسطہ پڑنا	مجھے کبھی بھی ایسے ذلیل آدمی سے پالا نہیں پڑا۔
پاؤں پھیلانا	بہت لالچ کرنا	میاں جتنی چادر ہو اتنے پاؤں پھیلاؤ۔
پاؤں پھیلا کر سونا	بے فکری کی نیند	ہمارے قومی رہنماؤں کا پاؤں پھیلا کر سونا ملک کے ساتھ دشمنی ہے۔
پاؤں پھونک کر قدم رکھنا	بہت احتیاط سے چلنا	ہمارے استاد ہمیشہ پاؤں پھونک پھونک کر قدم رکھتے ہیں۔
پتھر کی لکیر	پکی بات	وہ جو کچھ کہتا ہے پتھر کی لکیر ہوتی ہے۔
پاؤں کی جوتی	حقیر چیز	وہ دن گئے جب لوگ عورت کو پاؤں کی جوتی سمجھتے تھے۔
پَر جلنا	پیش نہ چلنا	وہاں تو فرشتوں کے بھی پر جلتے ہیں، ہم انسانوں کی کیا اوقات!
پیٹ پر پتھر باندھنا	صبر کرنا	رسول کریمﷺ مصیبت کے وقت اپنے پیٹ پر پتھر باندھتے رہے۔
پہاڑ ٹوٹ پڑنا	مصیبت کا نازل ہونا	میں جب سے کشمیر آیا ہوں مصیبت کے پہاڑ ٹوٹ پڑے ہیں۔
پرانے مردے اکھیڑنا	پرانے قصے لے بیٹھنا	خواہ مخواہ پرانے مردے اکھیڑ رہے ہو بات بڑھ جائے گی۔
پیٹ کا ہلکا ہونا	کم ظرف ہونا	اسے خدا کے لئے کوئی بات نہ کہو، وہ پیٹ کا بہت ہلکا ہے۔
پیٹھ ٹھوکنا	حوصلہ بڑھانا	لائق بچے کی پیٹھ ٹھوکنا ماں باپ کا فرض ہے۔
پٹی پڑھانا	گمراہ کرنا	بدمعاش نے اس کو ایسی پٹی پڑھائی کہ گھر سے چوری کرکے بھاگ گیا۔
پگڑی اتارنا	بےعزت کرنا	آج کل تو بزرگوں کی پگڑیاں اتاری جاتی ہیں۔
پیٹھ دکھانا	ڈر کر بھاگ جانا	جنگ میں پیٹھ دکھانا بہادروں کا کام نہیں۔
پاؤں دھو دھو کر پینا	عزت کرنا	احمد اپنی ماں کے پاؤں دھو دھو کر پیتا ہے۔
پیٹ میں بل پڑنا	بے حد ہنسنا	عصمت چغتائی کا افسانہ پڑھ کر میرے پیٹ میں بل پڑ گئے۔
پیٹ میں چوہے دوڑنا	بھوک لگنا	بھوک سے میرے پیٹ میں چوہے دوڑ رہے ہیں۔
پھول جھڑنا	اچھی بولی	رسول کریمﷺ جب بات کرتے تھے تو منہ سے پھول جھڑتے تھے۔
پیچ و تاب کھانا	غصہ میں ہونا	میرا خط پڑھ کر وہ پیچ و تاب کھاتا رہا۔

Add Urdu Notes to your Homescreen!