پیامِ آزادی ١٨٥٧-عظیم اللّہ خان پہلا قومی گیت

ہم ہیں اسکے مالک .ہندوستان ہمارا
پاک وطن ہے قوم کا.جنّت سے بھی پیارا

یہ ہے ہماری ملکیت ،ہندوستان ہمارا
اس کی روحانیت سے روشن ہے جگ سارا

کتنا قدیم ، کتنا نعیم ،سب دنیا سے نیارا
کرتی ہے ذرخیز جسے گنگا و جمنا کی دھارا

اُوپر برفیلا پربت، پہرے دار ہمارا
نیچے ساحل پر بجتا ،ساگر کا نکّارا

اسکی کھانیں اگل رہی ہیں سونا ،ہیرا ،پارا
اسکی شان و شوکت کا دنیا میں جائکارا

آیا فرینگی دور سے ،ایسا منتر مارا
لوٹا دونوں ہاتھ سے ، پیارا وطن ہمارا

آج شہیدوں نے ہے تمہیں ،اہلِ وطن للکارا
توڑو غلامی کی زنجیریں ،برساؤ انگارا

ہندو -مسلم ،سکھ ہمارا ،بھائی بھائی پیارا
یہ ہے آزادی کا جھنڈا ،اسے سلام ہمارا