زکوۃ کی اہمیت پر نوٹ لکھیے؟

ادبی محفلCategory: اسلامی سوالات و جواباتزکوۃ کی اہمیت پر نوٹ لکھیے؟
beingsajid Staff asked 12 مہینے ago
beingsajid Staff replied 12 مہینے ago

جواب: زکوۃ اسلام میں مالی عبادت ہے۔ زکوۃ سماجی فلاح و بہبود کا بہترین ذریعہ ہے، زکوۃ کے ذریعے معاشرے کے محروف ومفلس لوگوں کی کفالت ہو جاتی ہے اور اس طرح معاشرے میں نفرت،بگاڑ، انتشار و انتقام کی بجائے ہمدردی و احترام اور باہمی محبت کے جذبات کو فروغ حاصل ہوتا ہے۔ زکوۃ دینے والے کے دل سے مال کی محبت مٹ جاتی ہے اور اللہ تعالیٰ کی رضا حاصل کرنے کا جذبہ غالب رہتا ہے۔ غریبوں سے ہمدری کا جذبہ قائم رہتا ہے اور دولت کے گردش میں آنے سے معاشرے کے افراد کی مالی حالت اور بحران کا سبب کئی گنا حد تک کم ہو جاتا ہے اور مالی حالات بہتر ہو جاتے ہیں۔ زکوۃ کی اہمیت اس واقعہ سے بھی ظاہر ہوتی ہے ایک کہ جب ایک مرتبہ ایک گروہ نے بارگاہ نبوتؐ پر حاضر ہو کر اسلام کی تعلیمات دریافت کیں تو آپﷺ نے اعمال میں سب سے پہلے نماز اور پھر زکوۃ کا ذکر فرمایا:

رسول اللہﷺ کی رحلت کے بعد جب بعض لوگوں نے زکوۃ ادا کرنے سے انکار کیا تو حضرت ابوبکرصدیقؓ نے ان کے خلاف جہاد کیا۔ زکوۃ ادا نہ کرنے والوں کے خلاف قرآن نے سخت وعید سنائی ہے جس کا اندازہ قرآن کریم کی ان آیات سے لگایا جا سکتا ہے۔
”اور جو لوگ سونا اور چاندی جمع کرتے ہیں اور اس کو خدا کے رستے میں خرچ نہیں کرتے۔ ان کو اس دن عذاب الیم کی خبر سنادو۔جس دن وہ مال دوزخ کی آگ میں (خوب) گرم کیا جائے گا۔ پھر اس سے ان (بخیلوں) کی پیشانیاں اور پہلو اور پیٹھیں داغی جائیں گی (اور کہا جائے گا) کہ یہ وہی ہے جو تم نے اپنے لیے جمع کیا تھا سو جو تم جمع کرتے تھے (اب) اس کا مزہ چکھو“ (التوبہ: ۳۴، ۳۵)