نئی دہلی بھارت
                                                           مورخہ 06 دسمبر 2018
                                                           محترم والد صاحب

اسلام علیکم۔ آپ کا نوازش نامہ ملا۔ ایک ایک لفظ غور سے پڑھا۔آپ مطمئن رہیں آپ کی ہر نصیحت پر کاربند رہوں گا۔ وقت کی پوری قدر کروں گا ۔ایک لمحہ بھی ضائع نہ ہو گا۔ میں جانتا ہوں کہ وقت کو فضول کھونا زندگی کو رائیگان کھونا ہے۔ اوقات کی پابندی سے ہی انسان ترقی کی راہ پر گامزن ہو سکتا ہے۔ آج سے میں نے روزمرہ کا پروگرام بنا لیا ہے۔ صبح کو ہر روز سیر پر جاؤں گا، مطالعہ کے لئے کافی وقت وقف رکھوں گا، کھیل کود کے لئے شام کو دو گھنٹے نکالوں گا، بازار سے سودا سلف بھی والا صاحبہ کو لاکر دیا کروں گا، بھائی بہنوں سے محبت اور رواداری کا سلوک رکھوں گا۔ بڑوں کی عزت کرنا اپنا فرض سمجھوں گا۔ فعل قول اور خیال میں نیک بننے کی پوری سعی کروں گا۔ آپ یقین جانیے ماں باپ کی خدمت بجا لانے اور ان کو خوش رکھنے میں بے حد مسرت ہوتی ہے۔ خدا سے دعا ہے کہ مجھے آپ کی زیادہ سے زیادہ خدمت کرنے کی سعادت نصیب کرے۔آمین!

                                                                                                آپ کا فرمان بردار بیٹا
                                                                                                      محمد حسن

Close