خواب میں آماس دیکھنا۔

حضرت ابن سیرینؒ نے فرمایا ہے کہ خواب میں اماس مال ہے اور اگر دیکھے کہ اس کے جسم پر آماس ظاہر ہوتی ہے تو دلیل ہے کہ اسی قدر مال ملے گا۔ خاص کر اگر اس آماس میں بہت پیپ بھی دیکھے۔حضرت کرمانیؒ نے فرمایا ہے کہ اگر دیکھے کہ اس کے جسم پر آماس ہے اور تکلیف ہوتی ہے تو دلیل ہے کہ اسی قدر حلال مال پائے گا اور اگر آماس سے اس کو تکلیف نہیں ہے تو دلیل ہے کہ حرام مال پائے گا۔ حضرت جعفر صادقؑ نے فرمایا ہے کہ خواب میں جسم پر آماس کا دیکھنا پانچ وجہ پر ہے: اول مال زیادہ ہو، دوم عورت فائدہ مند، سوم لڑکا ہوگا، چہارم مراد پوری ہوگی، پنجم غموں سے امن میں ہوگا اور اگر تمام بدن سوجا ہوا دیکھے تو دلیل ہے کہ اس کو یہ پانچ چیزیں حاصل ہوں گی۔