خواب میں امرود دیکھنا۔

حضرت ابن سیرینؒ نے فرمایا ہے کہ امرود کا اپنے وقت پر کھانا کہ سبز اور شیرین ہے تو دلیل ہے کہ مال حالال پائے گا اور اگر امرود زرد ہے تو بیمار ہوگا۔ اگر موسمی نہیں ہے اور اگر امرود زرد یا سرخ ہے اور مزہ شیریں ہے تو اس امر کی دلیل ہے کہ مال حلال پائے گا۔ اور اگر ترش اور بے مزہ ہے تو غم کی دلیل ہے۔ حضرت کرمانیؒ نے فرمایا ہے کہ امرود سبز اور شیریں موسم میں دیکھنا اپنی مراد کو پانا ہے اور اگر کھائے تو بھی نفع کی ہے۔حضرت جعفر صادقؑ نے فرمایا ہے کہ خواب میں امرود کا کھانا پانچ وجہ پر ہے۔ اول مال حلال، دوم تونگری، سوم عورت، چہارم مراد کا پانا، پنجم نفع، اور اگر دیکھے کہ بادشاہ امرود کھاتا ہے تو دلیل ہے کہ جس قدر کھایا ہے اس کے مطابق کسی بزرگ مرد سے نفع پائے گا۔