خواب میں انگشتری دیکھنا۔

حضرت دانیالؑ نے فرمایا ہے کہ اگر کوئی خواب میں انگوٹھی کی صفت اور نقش دیکھے تو دلیل ہے کہ اسکو اسکے آقا سے خیر اور نیکی پہنچے گی اور اگر دیکھے کہ اس کو کسی نے انگوٹھی مہر کرنے کے لئے دی ہے تو دلیل ہے کہ جو کچھ اس کے لائق ہے، بہت پائیگا۔ یعنی انگوٹھی کی قدر و قیمت کے مطابق اگر بادشاہی کے لائق ہے تو بادشاہ ہوگا۔ ورنہ مال و دولت پائیگا اور اگر دیکھے کہ مسجد میں یا نماز میں یا جہاد میں کسی نے اس کو انگوٹھی دی ہے تو دلیل ہے کہ وہ شخص عابد و ذاہد ہوگا۔ اگر سوداگر ہے توتجارت پائیگا۔اور اگر دیکھے کہ اس کو بادشاہ کی انگوٹھی دی ہے تو دلیل ہے کہ اس کو ملک میں سے بادشاہ کچھ دے گا یا بادشاہ کے ملک میں اس کو یا اس کے خوشیوں کو برائی پہنچے گی۔حضرت جعفرصادقؑ نے فرمایا ہے کہ خواب میں چاندی کی انگوٹھی کو دیکھنا چار وجہ پر ہے۔اول سلطنت، دوم عورت، سوم فرزند، چہارم مال و دولت۔ اور سونے کی انگشتری نیک ہے۔ اور اگر عورت دیکھے کہ انگوٹھی نگ سمیت ضائع ہو گئی ہے۔ تو اس امر کی دلیل ہے کہ اس کا مرتبہ اور عزت گرے گی یا اس کا بچہ مرے گا یا مال ضائع ہوگا اور اگر حاکم ہے معزول ہوگا۔ اگر عورت ایسا خواب دیکھے تواس کا خاوند یا فرزند مرے گا۔