عابد عمران عابدی

میرا نام عابد عمران عابدی ہے، عمران تخلص استعمال کرتا ہوں۔میں ایک اردو شاعر، مصنف، اور استاد ہوں۔ میرا تعلق ضلع ڈوڈہ کے علاقے بھلیسہ سے ہے اور میں نے اردو میں پوسٹ گریجویشن مکمل کی ہے۔ اردو ادب میرے لیے محض ایک زبان نہیں بل کہ ایک جذبہ، ایک عہد اور ایک لازوال رشتہ ہے جسے میں اپنی تحریروں کے ذریعے زندہ رکھنے کی ادنیٰ سی کوشش کر رہا ہوں۔

شاعری اور نثر نگاری سے میرا تعلق بچپن سےرہا ہے اور شاعری کے ساتھ بہت زیادہ رغبت رہی ہے۔ میں نے طالب علمی کے زمانے سے ہی شاعری کا آغاز کیا اور سنجیدگی سے اپنانا شروع کیا۔ میری تحریریں جذبات، فکر اور عصری مسائل کا آئینہ ہیں، جن میں محبت، زندگی، سماجی مسائل اور ادبی جمالیات کی جھلک نمایاں ہوتی ہے۔

بطور شاعر،مصنف اور محقق، میں اردو زبان و ادب کے مختلف موضوعات پر لکھتا ہوں اور تحقیق کے ذریعے اس کی علمی وسعت کو مزید اجاگر کرنے کی کوشش کرتا ہوں۔ میری تحریریں اردو زبان کی خوبصورتی، اس کے ادبی ورثے اور فکری وسعت کو قارئین تک پہنچانے کا ذریعہ ہیں۔ مجھے امید ہے کہ میری تحریریں اردو ادب سے محبت رکھنے والے قارئین کے لیے دلچسپی اور فکری آگہی کا باعث بنیں گی۔ میں ایک استاد ہوں اس لئے میں اپنی تحریروں کے علاوہ اپنے بنائے ہوئے نوٹس یا سٹڈی مٹیریل بھی اس پلیٹ فارم (urdunotes.com) پر شائع کرنے کا خواہش مند ہوں۔