Advertisement

تحقیق لفظ عربی زبان کاہے۔ بابِ تفعیل سے اسکا تعلق ہے۔ لغوی معنی پرکھ ،کھوج، تفتیش کے ہیں۔ اسے انگلش میں ریسرچ کہتے ہیں۔ ریسرچ کے معنی توجہ سے تلاش کرنا اوردوبارہ تلاش کرنا ہے۔ رابرٹ راس کے مطابق یہ فرانسیسی لفظ ریسرچر سے نکلا ہے۔ جس کا معنی پیچھے جا کر تلاش کرنا ہے۔تحقیق کو انوسندھان ہندی میں کہتے ہیں جس کے معنی برقرار رکھنا ہے۔ ٹوٹے بکھرے دھاگے کو جوڑ کر رکھنے کو بھی انوسندھان کہتے ہیں۔ تحقیقی عمل انسان پر ہمیشہ غالب رہتا ہے اور کبھی ختم نہیں ہوتا۔ تحقیق کا تعلق زندگی کے تمام شعبوں سے ہے۔

Advertisement

تحقیق کی اقسام

تجزیاتی تحقیق

تجزیاتی تحقیق مطالعہ کی ایک خاص شکل ہے جس میں تنقیدی، منطقی اور سائنسی نظرئیے کے ساتھ حقائق کی جانچ کی جاتی ہے۔ موضوع کی گہرائی سمجھنے کے لئے اس کے پیچھے اہم عنصر کو تلاش کیا جاتا ہے۔

Advertisement

شماریاتی تحقیق

شماریاتی تحقیق میں ڈیٹا یا معلومات کو یکجاکیا جاتا ہے اور اسکا منظم طریقے سے تجزیہ کیا جاتا ہے اور اس سے نتائج اخذ کیے جاتے ہیں۔ شماریاتی تحقیق میں ڈیٹا یا معلومات کی حصول یابی سے لے کر نتائج تک کے مراحل شامل ہیں۔یہ ڈیٹا یا معلومات کسی بھی چیز کی ہو سکتی ہے۔ یہ تحقیق مواد کی مقدار پر مبنیٰ ہے۔ شماریات کو انگریزی میں Statistics اور عربی میں إحصاء کہتے ہیں۔

Advertisement

اطلاقی تحقیق

اطلاقی تحقیق روز مرہ کی زندگی کو متاثر کرنے والے عملی اور خصوصی مسائل کا حل تلاش کرنے کے لئے کی جاتی ہے۔ زیادہ تر اطلاقی تحقیق کسی پالیسی کو تیار کرنے یا کسی وقوعہ/ امر کی سمجھ بنانے کے لئے کی جاتی ہے۔ اطلاقی تحقیق، بنیادی تحقیق سے وجود میں آئے ہو ئے نظریات کو موافق بنا کر مسائل کو حل کرتی ہے۔ سماجی علوم ، تعلیم ، ڈاکٹری، باغبانی اور زراعت کے شعبہ جات میں کی جاتی ہے۔

ادبی تحقیق

ادبی تحقیق ادب سے متعلق ہے اس میں ادبی اشیاء ادبی تحریروں ادبی کتابوں پر تحقیق کی جاتی ہے۔

Advertisement

سندی تحقیق

یہ ایسی تحقیق ہے جو کسی ادارے کی زیرِ نگرانی کسی موضوع پہ کی جائے اور اس تحقیق پہ ادارے کی جانب سے سند عطا کی جائے۔

غیر سندی تحقیق

اس طرز کی تحقیق میں محقق بالکل آزاد ہوتا ہے وہ کسی بھی موضوع پہ اپنی دلچسپی کے مطابق تحقیق کرتا ہے اور اسےکسی ادارے کی نگرانی یا اجازت کی ضرورت نہیں ہوتی۔

Advertisement

تقابلی تحقیق

اس تحقیق میں کوئی سی بھی دو یا دو سے زیادہ مختلف قسم کے مظاہر کے درمیان تقابل کیا جاتا ہے۔ تقابلی تحقیق سے کسی تھیوری ، کتاب، ریسرچ ،کسی فرد کی ادبی، سماجی، سائنسی، سیاسی خدمات ، اشیاء وغیرہ کےدرمیان مماثلت ، اختلافات،برتری یا کمتری قائم کرنے کی کوشش کی جاتی ہے۔

نفسیاتی تحقیق

نفسیاتی تحقیق میں جو طریقہ استعمال کیا جاتا ہے وہ صورت حال کو دیکھ کر کیا جاتا ہے۔ کبھی کوئی ایک طریقہ مناسب ہوتا ہے تو کبھی کوئی دوسرا طریقہ۔ زیادہ تر اس تحقیق میں کتابوں کے مصنفین کے رجحانات اور انکی نفسیات کا مطالعہ کیا جاتا ہے۔ اس کا طریقہ کار سائنٹفک ہوتا ہے اور حقائق کا مطالعہ کیا جاتا ہے جو مشاہدہ میں آ سکیں۔

Advertisement

تہذیبی تحقیق

اس میں کسی بھی معاشرے کی حال یا ماضی کی تہذیب کو ملحوظِ خاطر رکھا جاتا ہے اور پھر تحقیق کی جاتی ہے۔اس میں صداقت اور سچائی کی تلاش کی جاتی ہے۔ تہذیبی ترقی و ارتقا پہ بھی تحقیق کی جاتی ہے۔

تاریخی تحقیق

تاریخی تحقیق میں کسی جگہ ، کسی عمارت، کسی کتاب یا تاریخی اصنافِ ادب وغیرہ پہ کی جاتی ہے۔ اس تحقیق سے ہمیں ماضی کے حقائق جاننے میں مدد ملتی ہے۔

Advertisement

علومِ بلاغت و شعری تحقیق

اس میں شعری اصطلاحات یا شاعری کی کتب پر تحقیق کی جاتی ہے اور شعری اوزان کو موضوعِ بحث بنایا جاتا ہے اور اس تحقیق سے یہ جانچا جاتا ہے کہ کسی شاعر کا کلام کس حد تک موزوں ہے یا کس حد تک اہم ہے۔

لسانی تحقیق

لسانی تحقیق زبان پہ یا لسانات پہ تحقیق کو کہتے ہیں۔ اس تحقیق میں لسانی زاویہ سے نئی راہیں تلاش کی جاتی ہیں۔ محقق اجتماع،انتقاد اور تجزیاتی مطالعے کے بعد ہی لسانیات پر تحقیق کرتا ہے۔

Advertisement

بین العلومی تحقیق

اس میں اردو ادب کا دوسرے علوم کے ساتھ تقابل بھی کیا جاتا ہے اور پھر اس پر تحقیق بھی کی جاتی ہے۔

سوانحی و تاریخی تحقیق

اس میں کسی ادیب یا صنف کے اہم تخلیق کاروں کے متعلق مکمل تحقیق کی جاتی ہے۔اور ان کی زندگی کے سربستہ رازوں کو بھی مختلف ذرائع سے تلاشنے کی کوشش کی جاتی ہے۔

Advertisement

تنقیدی تحقیق

اس تحقیق کے ذریعہ کسی کتاب میں پہلے سے موجود پرانے اور موجود حقائق کی نئے سرے سے تحقیق اور تشریح و توضیع کی جاتی ہے۔

تحریرمحمد ذیشان اکرم
Advertisement

Advertisement
Advertisement

Advertisement