مسرتوں کو یہ اہل ہوس نہ کھو دیتے

Back to: Majrooh Sultanpuri Poetry | Biography

• مسرتوں کو یہ اہل ہوس نہ کھو دیتے
• جو ہر خوشی میں ترے غم کو بھی سمو دیتے

• کہاں وہ شب کہ ترے گیسوؤں کے سائے میں
• خیال صبح سے ہم آستین بھگو دیتے

• بہانے اور بھی ہوتے جو زندگی کے لیے
• ہم ایک بار تری آرزو بھی کھو دیتے

• بچا لیا مجھے طوفاں کی موج نے ورنہ
• کنارے والے سفینہ مرا ڈوب دیتے

• جو دیکھتے مری نظروں پہ بندشوں کے ستم
• تو یہ نظارے مری بے بسی پہ رو دیتے

• کبھی تو یوں بھی امنڈتے سرشکِ غم مجروحؔ
• کہ میرے زخم تمنا کے داغ دھو دیتے