آہ جاں سوز کی محرومی تاثیر نہ دیکھ

Back to: Majrooh Sultanpuri Poetry | Biography

• آہ جاں سوز کی محرومی تاثیر نہ دیکھ
• ہو ہی جائے گی کوئی جینے کی تدبیر نہ دیکھ

• حادثے اور بھی گزرے تری الفت کے سوا
• ہاں مجھے دیکھ مجھے اب میری تصویر نہ دیکھ

• یہ ذرا دور پہ منزل یہ اجالا یہ سکوں
• خواب کو دیکھ ابھی خواب کی تعبیر نہ دیکھ

• دیکھ زنداں سے پرے رنگ چمن جوش بہار
• رقص کرنا ہے تو پھر پاؤں کی زنجیر نہ دیکھ

• کچھ بھی ہو پھر بھی دکھے دل کی صدا ہوں ناداں
• میری باتوں کو سمجھ تلخی تقریر نہ دیکھ

• وہی مجروحؔ وہی شاعر آوارہ مزاج
• کون اٹھا ہے تری بزم سے دلگیر نہ دیکھ