Back to: Majrooh Sultanpuri Poetry | Biography
0
- یہ رکے رکے سے آنسو یہ دبی دبی سی آہیں
- یوں ہی کب تلک خدایا غم زندگی نباہیں
- کہیں ظلمتوں میں گھر کر رہے تلاش دشت رہبر
- کہیں جگمگا اٹھی ہیں مرے نقش پا سے راہیں
- ترے خانماں خرابوں کا چمن کوئی نہ صحرا
- یہ جہاں بھی بیٹھ جائیں وہیں ان کی بارگاہیں
- کبھی جادۂ طلب سے جو پھرا ہوں دل شکستہ
- تیری آرزو نے ہنس کر وہیں ڈال دی ہیں باہیں
- میرے عہد میں نہیں ہے یہ نشان سر بلندی
- یہ رنگے ہوئے عمامے یہ جھکی جھکی کلاہیں