Advertisement
چہچہاتے رہنا بس
کچھ سُناتے رہنا بس

وقت کی تو عادت ہے
آتے جاتے رہنا بس

آنا میری مرضی ہے
تم بُلاتے رہنا بس

یاد کے جنازے پر
دل جلاتے رہنا بس

آپ اپنی آنکھوں سے
مے پلاتے رہنا بس

عشق کا تقاضا ہے
یاد آتے رہنا بس

اک خُدا کی چوکھٹ پر
سر جھکاتے رہنا بس

واقِعات جو بھی ہوں
مسکراتے رہنا بس
شاعر: اِندر سرازی
Advertisement

Advertisement

Advertisement

Advertisement
Advertisement