Back to: فیضان رضا
0
| سچا جھوٹا نیک بھی پل میں برا ہو جائیگا کیا خبر کس کو یہاں کب کیا سے کیا ہو جائیگا |
| کون ظالم کون عابد آپ کہنے والے کون نیک و بد کا فیصلہ روز جزا ہو جائیگا |
| مال و دولت مرتبہ جب پاس ہوگا آپکے جو پرایا ہو گیا ہے آپ کا ہو جائیگا |
| نیک کاموں سے بنیں گے لوگ تیرے معتقد ظلم کاری سے جہاں میں دبدبہ ہو جائیگا |
| مال و دولت جاہ و حشمت پر نہ تو مغرور ہو دیکھتے ہی دیکھتے سب کچھ فنا ہو جائیگا |
| کس کو کہتے ہیں غریبی کرب کس کا نام ہے مل غریبوں سے کبھی تو تجربہ ہو جائیگا |
| ان کے دربار ولا کی شان ہیں فیضان ہم ہم نہیں ہوں گے تو کوئی دوسرا ہو جائیگا |
