ماحولیاتی آلودگی، سوالات و جوابات

Back to: Jkbose Class 9th Urdu Notes

• سوالات و جوابات

سوال۔ ماحولیاتی آلودگی سے کیا مراد ہے؟

 جواب: ماحولیاتی آلودگی سے مراد گردوپیش کے ماحول کا گندہ یا آلودہ ہونا ہے۔یعنی ماحول میں ایسے اجزاء شامل ہونا جن کی وجہ سے ماحول میں منفی اور ناخوشگوار تبدیلیاں واقع ہوں۔

سوال 2۔ قدرت کے دو انمول تحفے کون سے ہیں؟

جواب۔ ماحول اور آب و ہوا قدرت کے دو انمول تحفے ہیں جن کی قیمت کا اندازہ نہیں لگایا جاسکتا۔

سوال 3۔ جنگلات کی کٹائی سے کون سے خطرات پیدا ہوگئے ہیں؟

جواب۔جنگلات کے کٹاؤ کی وجہ سے نہ صرف ماحول بلکہ انسان اور دوسرے جانوروں کی حیاتیاتی تنوع پر برے اثرات مرتب ہو رہے ہیں۔ جنگلات کی کٹائی سے بارش کا توازن بگڑ چکا ہے، مٹی کا بڑا حصہ بڑے دریاؤں اور سمندروں میں ضم ہوتا جا رہا ہے۔ ہر سال سیلاب سے ملک کو بڑا نقصان اٹھانا پڑتا ہے اور ان سب سے حفاظت کے لیے جنگلات کا ہونا اشد ضروری ہے۔

سوال: کیوں کہا گیا ہے؟

سوال: بڑے اور صنعتی شہروں میں آج سانس لینا بھی مشکل معلوم ہوتا ہے:

جواب: بڑے اور صنعتی شہروں میں آج سانس لینا مشکل معلوم ہوتا ہے۔ اس کی بڑی وجہ وہاں کارخانوں اور فیکٹریوں سے نکلنے والے دھوئیں اور چھوٹی بڑی گاڑیوں سے خارج شدہ زہریلی گیسوں کی کثافت ہے۔

سوال: توازن ذرا بھی بگڑا تو زندگی کے لئے سخت خطرہ لاحق ہو جائے گا:

جواب: زندگی کے لیے صاف شفاف ہوا ،پانی ، غذا اور حرارت کا ملنا بہت ضروری ہے ۔قدرتی ماحولیات کےتناسب و توازن  قائم رکھنے میں گیسوں کا بڑا ہاتھ ہے نباتات اور سورج کی حرارت میں ایک خاص تناسب و توازن قائم ہے اگر یہی  توازن ذرا بھی بگڑا تو زندگی داؤ پر لگ جائے گی۔

 سوال: جنگلات کی حفاظت کرنا انتہائی ضروری ہے:

جواب۔ جنگلات کی حفاظت کرنا انتہائی ضروری ہے کیونکہ جنگلات ماحولیاتی توازن کو برقرار رکھنے اور آلودگی کو کم کرنے میں اہم کردار ادا کرتے ہیں اس کے ساتھ ساتھ جنگلات بارش کے لیے بھی ضروری ہے اور ان سے مٹی کا کٹاؤ  روکنے میں مدد ملتی ہے اس کے علاوہ دوسری قدرتی آفات سے حفاظت ہوتی ہے۔

گرامر

• اسم‌مشتق: مصدر سے نکلے ہوئے اسم کو اسم مشتق کہتے ہیں۔ مثلا کھانا سے کھانے والا، کھایا ہوا، لکھنا سے لکھنے والا، لکھا ہوا ۔اسمائے مشتق مختلف قسموں کے ہیں مثلا حاصل مصدر، اسم فاعل ،اسم مفعول اسم حالیہ ، اسم معاوضہ۔

• مصدر کے اثر اور اس کی حالت و کیفیت کو ظاہر کرنے والے اسم مشتق کو حاصل مصدر یا اسم کیفیت کہتے ہیں۔ ہر ایک مصدر کا حاصل مصدر ہوتا ہے۔ حاصل مصدر بنانے کے لیے قواعد مقرر نہیں ہیں۔ کچھ مصادر سے دو حاصل مصدر بنتے ہیں۔ مختلف مصادر حاصل مصادر بنانے کے لئے کچھ تبدیلیاں کی جاتی ہیں۔ مثلاً:

مصدر	حاصل مصدر
دوڑنا	دوڑ
بکنا	بکواس
اڑنا	اڑان
ابلنا	ابال
پکڑنا	پکڑ
تولنا	تول
دھکیلنا	دھکیل
گودنا	کود
گرنا	گراوٹ

سوال: مندرجہ ذیل مصادر کے حاصل مصدر لکھیے۔

مصادر	حاصل مصدر
ڈانٹنا	ڈانٹ
ہنسنا	ہنس
ہارنا	ہار
ناچنا	ناچ
لکھنا	لکھ
ٹوکنا	ٹوک
خریدنا	خرید

سوال: مضمون لکھیں:

1. مضمون ”درختوں کے فائدے “ پڑھنے کے لیے یہاں کلک کریں۔

2. دھویں کے نقصانات

دھوئیں کے مضر اثرات کسی سے ڈھکے چھپے نہیں ہیں۔ دھواں ماحول کو آلودہ کرتا جا رہا ہے۔ دھواں چاہے گاڑیوں کا ہو یا متعدد فیکٹریوں سے نکلنے والا، ہر جاندار شے کے لئے نقصان کا باعث ہے۔ سڑکوں پر لاتعداد چھوٹی بڑی گاڑیوں کے چلنے سے کافی مقدار میں زہریلا دھواں خارج ہوتا ہے اور آس پاس کے ماحول کو متاثر کرتا ہے۔ اور یہی آکسیجن کی کمی کا باعث بنتا ہے۔ نتیجے کے طور پر تمام جاندار اور اشیاء پر برا اثر پڑتا ہے۔

خصوصاً انسانی زندگی پر دھویں کا بہت برا اثر پڑتا ہے۔ آئے دن مختلف قسم کے کارخانوں سے جو دھواں خارج ہوتا ہے وہ بھی آلودگی میں اضافہ کرتا ہے۔ بڑے اور صنعتی شہروں میں آج سانس لینا بھی مشکل معلوم ہوتا ہے۔ اس کی بڑی وجہ وہاں کے کارخانوں اور فیکٹریوں سے نکلنے والا دھواں ہوتا ہے اور اس کے علاوہ چھوٹی بڑی گاڑیوں سے نکلنے والی زہریلی گیسیس کی کثافت ہے۔ دھویں کی کثافت کی وجہ سے سانس لینے میں دشواری اور آنکھوں میں جلن ہوتی ہے۔ اس سے بہت سی بیماریاں عام ہو جاتی ہیں۔اور دوسری زہریلی گیسوں کے سبب نہایت خطرناک اور جان لیوا بیماریاں پنپنے لگتی ہیں۔ ہمیں چاہیے کہ اپنے آس پاس کے ماحول کو دھویں سے پاک رکھیں۔