اردو محاورے بلحاظ حروف تہجی | حرف 'ق'

محاورے	معانی	جملے
قصہ پاک کرنا۔	فیصلہ کرنا۔	اچھا کیا جو قصہ پاک کر دیا ، ورنہ یہ دونوں بھائی آپس میں لڑتے رہتے۔
قصہ تمام ہونا۔	ختم ہونا۔	آخر قصہ تمام ہوا اور ساری امیدیں دھرے کی دھری رہ گئیں۔
قینچی کی طرح زبان چلنا۔	بکواس کر نا۔	تمہاری زبان کیا ہے۔ آخر قینچی کی طرح یہ کب تک چلتی رہے گی؟
قبر میں پاؤں ہونا۔	مرنے کے قریب ہونا۔	آپ کے پاؤں قبر میں ہیں کچھ تو خیال کرو۔
قسمت کا دھنی ہونا۔	صاحب نصیب ہونا۔	تم تو قسمت کے دھنی ہومعمہ میں ایک لاکھ روپے مل گئے۔
قسمت کا ہیٹا۔	بدقسمت۔	وہ قسمت کا ہیٹا ہے اس نے کئی پاپڑ بیلے مگر کہیں پاؤں نہ جمے۔
قدم لینا۔	قدم چومنا۔	پنڈت نہرو مرحوم جہاں کہیں جاتے تھے لوگ ان کے قدم لیتے تھے۔
قافیہ تنگ کرنا۔	دق کرنا۔	اس نے اس کا قافیہ تنگ کر دیا ہے۔
قلعی کھل جانا۔	پردہ فاش ہو جانا۔	جوں ہی ساہوکار نے دعوی کیا اس کی قلعی کھل گئی۔
قول دینا۔	وعدہ کرنا۔	تم نے قول دیا اور بھول گئے حد ہو گئی۔