Back to: NCERT Class 8th Urdu Solutions | Chapterwise Notes | Urdu Notes
- کتاب”اپنی زبان”برائے آٹھویں جماعت
- سبق نمبر04:نظم
- شاعر کا نام: حفیظ جالندھری
- نظم کا نام: لو پھر بسنت آئی
نظم لو پھر بسنت آئی کی تشریح
| لو پھر بسنت آئی لو پھر بسنت آئی پھولوں پر رنگ لائی چلو بے درنگ لب آب گنگ بجے جل ترنگ من پر امنگ چھائی پھولوں پر رنگ لائی |
اس نظم میں شاعر بسنت یعنی موسم بہار کی آمد کی بات کرتا ہے شاعر کہتا ہے کہ جیسے ہی بسنت کا موسم آیا ہر طرف پھولوں پر بہار کا سماں چھا گیا۔ بہار کی آمد کی وجہ سے جشن کا سماں ہے اس لیے بے خوف و خطر گنگا کے کنارے بڑھتے چلو کہ پانیوں میں بھی موسیقی بج اٹھی ہے اور ہر دل پر ایک خوشی کی لہر دوڑ گئی ہے کیوں کہ بسنت کی آمد ہے جو کہ پھولوں پر بہار کے رنگ لائی ہے۔
| لو پھر بسنت آئی کھیتوں کا ہر چرندہ کھیتوں کا ہر چرندہ باغوں کا ہر پرندہ کوئی گرم خیز کوئی نغمہ ریز سبک اور تیز پھر ہو گیا ہے زندہ باغوں کا ہر پرندہ کھیتوں کا ہر چرندہ |
شاعر ان اشعار میں کہتا ہے کہ آمد بہار کی وجہ سے کھیتوں کے چرند پرند خوشی سے نہال ہو گئے۔ باغوں میں موجود یہ چرند پرند خوشی کے نغمے گانے لگ گئے۔ کسی کا نغمہ آہستہ اور کوئی تیز آواز میں گائے جارہا تھا۔ بہار کے موسم کی آمد کے ساتھ ہی یوں محسوس ہوتا ہے کہ باغ میں موجود ہر پرندہ اور کھیتوں میں موجود ہر جانور دوبارہ سے جی اٹھا ہو۔
| پھولی ہوئی ہے سرسوں پھولی ہوئی ہے سرسوں بھولی ہوئی ہے سرسوں نہیں کچھ بھی یاد یونہی با مراد یونہی شاد شاد یونہی با مراد یونہی شاد شاد گویا رہے گی برسوں بھولی ہوئی ہے سرسوں پھولی ہوئی ہے سرسوں لو پھر بسنت آئی لو پھر بسنت آئی پھولوں پر رنگ لائی |
ان اشعار میں شاعر سرسوں کے کھیت پر آنے والی بہار کی بات کرتے ہوئے کہتا ہے کہ بہار کی آمد کی وجہ سے سرسوں کے کھیت تروتازہ شاد و بامراد یوں دکھائی دیتے ہیں کہ جیسے ان کی یہ تروتازگی ہمیشہ کے لیے ہو۔ سرسوں یہ بات بھولی ہوئی ہے کہ اس کی اس شادمانی کو جانا بھی ہے یہ سب بسنت یعنی بہار کی آمد کی وجہ سے ہے جو کہ پھولوں پر بہار کے خوبصورت رنگ لائی ہے۔
سوچیے اور بتایئے:
بسنت آنے پر لوگ گنگا کنارے کیوں جانا چاہتے ہیں؟
لوگ بسنت کی بہاریں منانے کے کیے گنگا کنارے جانا چاہتے ہیں۔
بسنت میں چرند اور پرند کس حال میں ہوتے ہیں؟
بسنت میں چرند اور پرند خوشی سے نہال ہوتے ہیں۔ وہ یوں دکھائی دیتے ہیں کہ جیسے دوبارہ تروتاز ہوگئے ہوں۔
سرسوں کون سی بات بھولی ہوئی ہے؟
سرسوں یہ بات بھولی ہوئی ہے کہ وہ ہمیشہ نہیں رہے گی بلکہ بہت جلد اس کا یہ رنگ روپ ختم ہو جائے گا۔ وہ کٹ جائے گی۔
بسنت کا موسم کب آتا ہے؟
سردی کے بعد بسنت کا موسم آتا ہے۔ جسے بہار بھی کہا جاتا ہے۔
مصرعے مکمل کیجیے:
| کھیتوں کا ہر چرندہ باغوں کا ہر پرندہ گویا رہے گی برسوں بھولی ہوئی ہے سرسوں |
نیچے لکھے ہوئے لفظوں کو اپنے جملوں میں استعمال کیجیے:
| امنگ | نوجوانوں میں وطن کے لیے کچھ کر گزرنے کی امنگ جگائے رکھنا ضروری ہے۔ |
| چرندہ | گرمی میں کوئی چرندہ پرندہ نہ دکھائی دیتا تھا۔ |
| سبک | صبح کی ہوا سبک تازگی کا احساس لیے ہوتی ہے۔ |
| شاد | میرا وطن ہمیشہ شاد و آباد رہے (آمین) |
| بامراد | اللہ پاک ہمیں بامراد لوگوں میں شامل کرے۔ |
