Advertisement

تعارف

ترقی پسند فکر اور نظریے سے اپنی مضبوط وابستگی کی بنا پر اپنی ساری زندگی اور اپنی ساری صلاحیتیں اس کی تشہیر و تبلیغ کی لئے وقف کردی تھیں ایسے بلند قدآور شاعر کا نام وامق جونپوری ہے۔ وامق جونپوری ۲۳ اکتوبر ۱۹۰۹ کو جونپور اترپردیش میں پیدا ہوئے۔ ان کا اصل نام احمد مجتبیٰ ہے۔ وامق جونپوری مقبول عام ان کا قلمی نام ہے۔

Advertisement

حالاتِ زندگی

پڑھے لکھے ادبی خاندان میں پیدا ہونے کا ان کو یہ فائدہ ہوا کہ ان کی ابتدائی تعلیم گھر میں ہی ہوئی جس میں اردو فارسی انگریزی اور واجبی سی عربی شامل ہے۔ والد صاحب کی سرکاری نوکری کی وجہ سے وہ بارہ بنکی منتقل ہو گئے جہاں حسین زید پوری ان کے معلم مقرر ہوئے۔ ساتھ ہی ساتھ وہاں پر ہی بنیادی تعلیم حاصل کرنے کے بعد گورنمٹ انٹر کالج سے اپنی ڈگری لی، بعد ازیں انھوں نے ایل ایل بی کی ڈگری حاصل کی۔اس کے بعد وہ وکیل بن گئے اور اپنے وکالت کے پیشے کو باقائدگی سے سنجیدہ لیا۔

Advertisement

شاعرانہ عظمت

وامق کی شاعری نعروں سے مبرا نہیں کہی جا سکتی مگر وہ نعرہ اپنے جس حسن و لطافت کے ساتھ قاری کے کانوں میں رس گھولتا رہتا ہے۔چنانچہ وہ شعر کی تعریف اپنے مخصوص انداز میں کہتے تھے۔وامق غزل اور نظم میں یکساں مہارت رکھتے تھے۔انکی غزلوں کی جمال اور نظموں کے جلال ان کے سکہ فن کے دو رخ ہیں۔ ان دنوں اصناف سخن میں انھوں نے فن کے جو نمونے پیش کئے ہیں ان کو عصری ادب کبھی نظرانداز نہیں کرسکتا۔ ان کے کلام کا کلاسیکی انداز بیان اور جدید طرز فکر کا لطیف امتراج و تاثر بیک وقت قدیم اور جدید اذہان کو متوجہ کرتا ہے اور دعوت فکرو نظر دیتا ہے۔

Advertisement

وامق روایت پرست بھی ہیں اور روایت شکن بھی، وہ دو چیزوں کے امتراج کو خوب نبھا لیتے ہیں۔ ان کے یہاں اعراف حسن بھی ہے اور انحراف بھی۔ وہ غم دوراں اور غم جاناں کو ایک دوسرے کا بدرقہ اور علاج بالمثل تصور کرتے ہیں۔غزل کے اشعار میں رمزیت اور اشاریت غزل کی جان ہوا کرتی ہے وامق اسے بڑے فنکارانہ انداز میں پیش کرتے ہیں۔وامق کا کلام تغزل اور جمالیاتی حسن سے بھی رنگا رنگ ہے۔وہ اپنےمحبوبِ انقلاب سے غزل کے پردوں میں بھی کبھی کبھی باتیں کرتے ہیں۔

حب الوطنی

حب الوطنی اور انسان دوستی انکی شاعری کے غالب عناصر ہیں۔وامق کا کلام ان کے سیاسی و سماجی شعور اور ان کی بالغ نظری کی پوری عکاسی کرتا ہے۔وامق کے کلام میں بڑی رنگا رنگی اور تنوع ہے۔فکری شاعری جو اس دور کی تخلیقات میں کم پائی جاتی ہے ان کے فن پر محیط ہے۔ان کا جمالیاتی حسن اس میں بھی کارفرما رہتا ہے۔وہ سائنسی اور فلسفیانہ حقائق کو اس طرح پیش کرتے ہیں کہ جیسے اپنے محبوب کے خدوخال کا ذکر کر رہے ہوں۔

Advertisement

تصانیف

وامق جونپوری کی مشہور تصانیف میں گفتنی ناگفتنی،چیخیں،جرس،سفرناتمام،شب چراغ، قابل ذکر اور مشہور ترین ہیں۔

اعزازات

وامق کی ادبی خدمات کیلئے انہیں بہت سے انعامات سے بھی نوازا گیا جن میں اترپردیش اردو اکادمی ایوارڈ ، سوویت لینڈ نہرو ایوارڈ ، میر اکادمی ایوارڈ شامل ہیں۔ ۲۱ نومبر ۱۹۹۸ کو وامق کا انتقال ہوا۔

Advertisement

منتخب کلام

وامق جونپوری کی بہترین غزل کا انتخاب مندرجہ ذیل ہے۔

Quiz On Wamiq Jaunpuri

وامقؔ جونپوری 1
Advertisement

Advertisement

Advertisement