چھوڑ فکر دنیا کی چل مدینے چلتے ہیں

0

اس نعت کی لیرکس رومن اردو میں پڑھنے کے لئے یہاں کلک کریں۔

چھوڑ فکر دنیا کی چل مدینے چلتے ہیں
مصطفیٰ غلاموں کی قسمتیں بدلتے ہیں

رحمتوں کی چادر کے سر پہ سائے چلتے ہیں
مصطفیٰ کے دیوانے گھر سے جب نکلتے ہیں

صرف ساری دنیا میں وہ ہے کوچہ احمد
جس جگہ پہ ہم سب کے کھوٹے سکے چلتے ہیں

نقش کر لے سینے پر نام سرور دین کا
یہ وہ نام ہے جس سے سب عذاب ٹلتے ہیں

ذکر شاہ بطحا کو درد اب بنا لیجئے
یہ وہ ذکر ہے جس سے غم خوشی میں ڈھلتے ہیں

اس کو کیا ضرورت ہے عطر مشک و عنبر کی
خاک جو مدینے کی اپنے تن پہ ملتے ہیں

سچ ہے غیر کا احسان ہم کبھی نہیں لیتے
اے علیم آقا کے ہم ٹکڑوں پہ پلتے ہیں