Advertisement

اخبار پر ایک مضمون

دور حاظر میں ہر خاص و عام فرد کو اپنے ارد گرد کا علم ہونا چاہیے۔ نئی ایجاد و دریافت کا علم رکھنے ملکی و غیر ملکی حالات و واقعات سے باخبر رہنے کے لئے اخبار (جریدہ) کا مطالعہ کرنا بہت ضروری ہے۔ دورِ رواں میں کسی ملک خطے علاقے میں پیش آنے والے معاملات اب وہیں تک محدود نہیں رہتے بلکہ ہمیں باخبر رکھنے کے لئے اخبار کو معارف کروادیا گیا ہے۔

Advertisement

"باخبر کس سے؟”
علمی ادبی سماجی ہر قسم کی خبر سے ہمیں ہر روز کے حساب سے باخبر رہنے کے لئے اخبار بینی کرنی پڑتی ہے۔ مذہبی و اقتصادی ترقی کے لئے اخبار سے بہترین اشتعار کہیں پر میسر نہیں۔ ہر انسان کا فرض ہے کہ وہ اخبار بینی کرکے قومی اور بین الاقوامی حالات کا علم رکھے اس سے وہ اپنی صلاح وفلاح کا ذمہ خود اٹھاسکے گا اور معاشرے میں اپنا ایک مقام پیدا کرکے عزت سے جی سکے گا۔

Advertisement

واقفیت کی اہمیت

دنیا سمٹ کر ایک ملک کی مانند ہو گئی ہے۔ فاصلے کم ہو گئے ہیں۔ ملکوں ملکوں میں شاہراہیں قیام لے رہی ہیں۔ مہینوں کا سفر دنوں میں آگیا ہے۔ انسان چاند پر پہنچ کر دریافتیں کر رہا ہے۔ اسی ساری گہما گہمی اور تیزرفتاری کے بدلتے وقت میں ہمیں واقفیت کے شعور کو جدید سائنسی دور کے ساتھ لگائے رکھنے کو اخبار و رسالے کی مدد سے خود کو ہر بات سے آگاہ رکھنا چاہئے۔ جس کے لئے اخبار بینی بہت فائدے مند ہے۔

Advertisement

ذائقہ و مزاج

آج کل ہر شخص کی کچھ اپنی پسند نا پسند ہوتی ہے اسی لئے اخبار میں مختلف موضوعات پر لکھا یا چھاپا جاتا ہے۔ جیسے اگر ایک شخص کی توجہ کا مرکز کھلیوں کی جانکاری ہے اسے اپنے مزاج و ذائقہ کی مطابقت سے مواد مل جائے گا۔ کسی کی دلچسپیاں سیاست میں ہیں اسے وہ بھی میسر ہوجائے گا۔

اخبار کی اہمیت

قیام پاکستان کے وقت اخبار نے بہت اہم کردار ادا کیا۔ ایک دن کوئی بڑا رہنماء اپنی تقریر کرتا دوسرے دن وہ خبر ملک کے کونے کونے تک پہنچانے میں اخبار نے انتہائی سنجیدہ و اہم کردار ادا کیا ہے۔

Advertisement

۱۹۶۵ کی جنگ کی خبر کو ساری ملت تک پہنچانے کے لئے اسی اخبار نے مدد دی۔ اخبار سے ہی اپنے سپاہیوں کی سرفروشانہ کارناموں کی داستانیں ہم تک رساء کی گئیں۔

سانحہ

اخبار نے ہمیں جہاں بہت اچھی اچھی خبریں دی ہیں وہاں کچھ دل دہلا دینے والے واقعات بھی ہمارے گوش گزار کئے ہیں جیسے ۱۹۷۱ میں پاکستان دولخط ہوا۔ پاکستان میں ٹرین حادثات ،آتش ذدگی اور لوگوں کی ہلاکتوں کی خبریں، دہشت گردی کے سانحے  سے بھی ملک و قوم کو اخبار نے ہی باخبر کیا ہے۔

Advertisement

اتار چڑھاؤ

اگر اشیاء خوردنوش میں کچھ تبدیلیاں ہوتی ہیں تو حکومت براہِ راست تو عوام سے اس بارے میں بات نہیں کرسکتی اس لئے اخبار حکومت اور عوام کے درمیان ذرائع ابلاغ کا سب سے مؤثر نظام ہے۔ منڈی میں تیل کی قیمت کا اتار چڑھاؤ ہمیں اخبار بینی سے ہی معلوم پڑتا ہے۔

مسلمان امت کے احوال کی معلومات

کشمیر جل رہا ہے ، فلسطین ڈوب رہا ہے ، جنوبی افریقہ میں نسل پرست حکومت افریقی عوام پر مظالم کے پہاڑ توڑ رہی ہے، چین میں مسلمانوں پر مظالم ڈھائے جارہے ہیں ، پاکستان میں سیلاب ذدگان کی مدد کو پاک فوج سرگرم ہے۔ یہ تمام اطلاعات ہمیں اخبار کے مطالعہ سے ہی ملتی ہیں۔ ایک معاشرے میں اخبار کا بہت اہم کردار ہوتا ہے  معاشرے کی اصلاح و فلاح اخبار کی ذمہ داریوں میں شامل ہے۔

Advertisement
Advertisement

Advertisement

Advertisement