Advertisement

کتاب”گلزارِ اردو”برائے نویں جماعت.

Advertisement
  • سبق نمبر:01
  • صنفِ ادب:غزل
  • شاعر کا نام:خواجہ میر درد

تعارف صنف:

غزل عربی زبان کا لفظ ہے۔غزل کے معنی "محبوب سے باتیں کرنا "یا عورتوں سے باتیں کرنا وغیرہ کے ہیں۔اس کا مطلب غزل میں حسن وعشق کی باتیں ہوتی ہیں۔ لیکن غزل صرف عشق ومحبت تک محدو نہیں بلکہ اس کا دائرہ بہت وسیع ہے۔ اس میں سماجی، سیاسی، معاشرتی مسائل فلسفہ وتصوف اور انسانی زندگی کے مختلف پہلوں کی ترجمانی کی جاتی ہے۔

Advertisement

غزل عموماً پانچ سے سات اشعار پر مشتمل ہوتی ہے۔ لیکن بعض غزلوں میں اس سے زیادہ اشعار بھی ملتے ہیں۔ غزل کے ہر شعر میں الگ مضمون ہوتا ہے یعنی اس کے اشعار جداگانہ ہوتے ہیں۔ اگر کسی غزل کے اشعار ایک ہی موضوع پر ہوں یعنی ان میں تسلسل ہو تو اس کو غزل مسلسل کہا جاتا ہے۔

اگر شاعر ایک ہی مضمون یا تجربے کو ایک سے زیادہ اشعار میں بیان کردے تو اسے قطعہ اور ایسے اشعار کو قطعہ بند کہتے ہیں۔ غزل کے پہلے شعر کو مطلع کہتے ہیں۔ اس کے دونوں مصرعے ہم قافیہ ہوتے ہیں۔ مطلع کے بعد اگر دوسرا شعربھی ہم قافیہ ہو تو اس سے حسن مطلع کہتے ہیں۔ غزل کے آخری شعرکو مقطع کہتے ہیں جس میں شاعر اپنا تخلص استعمال کرتا ہے۔ غزل کا سب سے عمدہ شعر بیت الغزل یاشاہ غزل کہلاتا ہے۔ ردیف کے بغیربھی غزلیں لکھی جاتی ہیں۔ ایسی غزلیں غیر مردف کہلاتی ہیں۔

Advertisement

تعارف مصنف:

خواجہ میر درد کا پورا نام سید خواجہ میر تھا جبکہ آپ درد تخلص کرتے تھے۔آپ 1721ء کو پیدا ہوئے اور 1785ءمیں آپ کا انتقال ہوا۔آپ کا سلسہ نسب خواجہ بہاء الدین نقشبندی سے ملتا ہے۔خواجہ میر درد ؔکو اردو میں صوفیانہ شاعری کا امام کہا جاتا ہے۔ دردؔ اور تصوف لازم و ملزوم بن کر رہ گئے ہیں۔یقیناً دردؔ کے کلام میں تصوف کے مسائل اور صوفیانہ حسّیت کے حامل اشعار کی کثرت ہے۔ تصوف ان کو ورثے میں ملا ہے۔

Advertisement

آپ کے آباؤ اجداد بخارا سے دلی آکر آباد ہوگئے تھے۔آپ نے اپنے والد خواجہ ناصر عندلیب سے تعلیم حاصل کی۔ان کی طبیعت میں سادگی اور قناعت پسندی بہت زیادہ تھی۔یہی وجہ ہے کہ دلی کی تباہی کے زمانے میں جب دوسرے شعراء ہجرت کے گئے تو درد نے ان حالات میں بھی دہلی میں ہی رہنا پسند کیا۔

آپ خودار طبیعت کے مالک تھے۔کبھی کسی شاہ یا بادشاہ کی مداح نہ کی۔اپنی شاعری کے ذریعے آپ نے تصوف کے باریک نکات کو بھی نہایت خوبی سے بیان کیا۔تشبیہات کے نادر اور بر محل استعمال نے ان کے شاعرانہ حسن کو نکھار بخشا۔ان کی غزلیں پر اثر،رواں اور چھوٹی بحروں کی ہیں۔صوفیانہ کے علاوہ ان کے کلام میں عشقیہ شاعری کے بھی بہترین نمونے ملتے ہیں۔

Advertisement

دردؔ کے کلام میں عشق و عقل،جبر و اختیار،خلوت اور انجمن،سفر در سفر،بے ثباتی وبے اعتباری،بقا اور فنا،مکان و لامکاں، وحدت و کثرت،جزو و کل توکل اور فقر کے مضامین کثرت سے ملتے ہیں۔مجموعی طور پر دردؔ کی شاعری دل اور روح کو متاثر کرتی ہے۔ ان کا دیوان مختصر مگر اعلیٰ پائے کا ہے۔

غزل کی تشریح:

تہمتیں چند اپنے ذمے دھر چلے
جس لیے آئے تھے ہم سو کر چلے

خواجہ میر درد اس شعر میں کہتے ہیں کہ بحیثیت انسان ہم اس دنیا میں آئے اور چل دیے۔میں اس دنیا میں جس مقصد کے تحت آیا اپنے ذمے وہ تہمت لے کر چل دیا۔جس کام کے لیے مجھے اس دنیا میں بھیجا گیا تھا وہ کرلیا سو اب چل دیے ہیں۔

Advertisement
زندگی ہے یا کوئی طوفان ہے
ہم تو اس جینے کے ہاتھوں مر چلے

اس شعر میں شاعر انسانی زندگی کو طوفان سے تشبیہ دیتے ہوئے سوال کرتا ہے کہ یہ زندگی ہے یا کوئی طوفان ہے۔ یعنی شاعر نے زندگی کو اس کی مشکلات کی بنا پر طوفان قرار دیا ہے۔جبکہ انہی مشکلوں کی وجہ سے جینا مشکل ہو کر رہ گیا ہے۔

دوستو دیکھا تماشا یاں کا بس
تم رہو، اب ہم تو اپنے گھر چلے

اس شعر میں شاعر کہتا ہے کہ دوستوں ہم اس دنیا میں ایسے ہی آئے کہ بس یہاں کا تماشا دیکھا اور اب اپنی منزل کی جانب رواں ہیں۔ تم یہاں رہو جب تک رہنا ہے۔

Advertisement
شمع کے مانند ہم اس بزم میں
چشم تر آئے تھے دامن تر چلے

شاعر اس شعر میں کہتا ہے کہ ہمارا دنیا میں آنا ایسا ہی تھا کہ جیسے کوئی شمع جلتی ہے اور موم کی صورت میں اپنے آنسو بہاتی رہتی ہے اور اسی طرح جلتے جلتے ختم ہو جاتی ہے۔ میری زندگی بھی ایسی ہی ہے کہ روتی آنکھ کے ساتھ دنیا میں آئے تھے اور اب اپنے دامن کو تر کر کے یہاں سے جا رہے ہیں۔

دردؔ کچھ معلوم ہے یہ لوگ سب
کس طرف سے آئے تھے کیدھر چلے

اس شعر میں شاعر اپنا تخلص استعمال کرتے ہوئے خود سے سوال کے انداز میں کہتا ہے کہ درد یہ جو لوگ اس دنیا میں آئے تو اور جا رہے ہیں کیا کچھ معلوم ہے کہ یہ سب کس طرف سے آئے تھے اور اب ان کی منزل کون سی ہے؟

Advertisement

سوالوں کے جواب لکھیے:

سوال نمبر01: پہلے شعر میں ‘تہمت چند اپنے ذمے دھر چلے’ سے شاعر کی کیا مراد ہے؟

اس سے شاعر کی مراد ہے کہ ہم ہر الزام اور برائی اپنے ذمے لے کر جا رہے ہیں۔

سوال نمبر02: شاعر نے زندگی کو طوفان کیوں کہا ہے؟

شاعر نے زندگی کو اس کی مشکلات کی بنا پر اسے طوفان سے تشبیہ دی ہے۔

Advertisement

سوال نمبر03:چوتھے شعر میں شاعرشمع کے حوالے سے کیا بات کہنا چاہتا ہے؟

اس شعر میں شاعر کہتا ہے کہ ہمارا دنیا میں آنا ایسا ہی تھا کہ جیسے کوئی شمع جلتی ہے اور موم کی صورت میں اپنے آنسو بہاتی رہتی ہے اور اسی طرح جلتے جلتے ختم ہو جاتی ہے۔ میری زندگی بھی ایسی ہی ہے کہ روتی آنکھ کے ساتھ دنیا میں آئے تھے اور اب اپنے دامن کو تر کر کے یہاں سے جا رہے ہیں۔

سوال نمبر04:آخری شعر میں زندگی کی کس حقیقت کی طرف اشارہ کیا گیا ہے؟

آخری شعر میں زندگی کی اٹل حقیقت موت کی طرف اشارہ ہے کہ لوگ اس دنیا میں آتے ہیں اور پھر چلے جاتے ہیں۔

Advertisement

Advertisement

Advertisement