Back to: پہاڑی زبان و ادب کے نوٹس
| اے خطہ خلد زمین صد آفریں صد آفریں ہے ناں تیرا لولو حسین یا لولہ آب آکھاں اسیں جنت دی اک محراب توں اے وادی لولا ب توں مٹی تیری زرخیز ہے ایہہ قدرتی بندیز ہے ماحول دلآویز ہے شر ہے نہ شرانگیز ہے خوشیاں دی ہک گرداب توں اے وادی کو لاب توں ہر سو صدائے سروری ہر سو صدائے حیدری ہر سو ہوائے عنبریؔ پُھل انوری پھل انظریؔ شاعر دا شیریں خواب توں اے وادی لولاب توں توں تحفہ تقدیر ہیں فردوس دی تصویر ہیں آئینہ کشمیر ہیں توں حوضِ شہد و شیر ہیں ہک نسخہ نایاب توں اے وادی لولاب توں ہے پہاند تیری دلربا خوش رنگ سوہنی خوشنما جاں بخش بانکی پُر فضا رنگینیِ باد صبا سر سبز تہ شاداب توں اے وادی لولاب توں بریا دسیں ہک حور جی پُر رونق و پُر نور جی مسرور تہ مخمور جی بس اس گلوں مشہور جی کشمیر دا پنجاب توں اے وادی لولاب توں ندیاں تہ نہراں بگدیاں ہے رقص و نغمے دا سماں شفاف تر آب رواں تسنیم و کوثر دا گماں سر چشمہ سیماب توں اے دادی لولاب توں میوے نی شاخاں پر لگے گو پانی سیم وزر لگے جوہر نتے گوہر لگے سرخاب دے یا پر لگے یا آپ ہیں سرخاب توں اے دادی لولاب توں پُر نور تیری شرد وی رُت گرم وی تہ سرد وی ہے خوب رو پر گرد وی سر سبز وی تہ زرد وی بے صبر تہ بے تاب توں اے وادی لولاب توں سیال رت خاموش ہے ہر رگ تیری کمجوش ہے تہرتی کفن بردوش ہے بے حرکت و بے ہوش ہے چٹی سفید ہک ڈاب توں اے وادی لولاب توں پاساں نی کوہ جنگلات خوب پِچ کھیتاں باغات خوب خوش بستیاں دیہات خوب ہوندے بسر اوقات خوب ہر رنگ لاجواب توں اے وادی لولات توں |
نظم نی تشریح
ایہہ نظم “وادی لولاب” نی خوبصورتی ہور اس نے قدرتی مناظر نی تعریف کرنی ہے۔ ہر بند بچ وادی نی خصوصیات، خوبصورتی تہ روحانی اثرات کی بیان کیتا گیا ہے۔ ہر بند نے مطابق اس نظم نی تشریح اس طراں ہے:
پہلا بند:
| اے خطہ خلد زمین صد آفریں صد آفریں ہے ناں تیرا لولو حسین یا لولہ آب آکھاں اسیں جنت دی اک محراب توں اے وادی لولا ب توں |
پہلے بند بچ شاعر وادی لولاب نی خوبصورتی نی تعریف کرنا ہے ہور اس کی جنت نے مترادف آکھنا ہے۔ اس بند بچ “لولو حسین” نا ذکر ہے، جیہڑا خوبصورتی اور دلکشی نی علامت ہے۔ شاعر وادی کی جنت نی ہک محراب نال تشبیہ دینا ہے جتھاں قدرت نی ساریاں خوبیاں موجود ہین۔
دوّا بند:
| مٹی تیری زرخیز ہے ایہہ قدرتی بندیز ہے ماحول دلآویز ہے شر ہے نہ شرانگیز ہے خوشیاں دی ہک گرداب توں اے وادی کو لاب توں |
دوّے بند بچ اس وادی نی مٹی نی زرخیزی ہور قدرتی خوبصورتی نا ذکر ہے۔ ایہہ بند بیان کرنا ہے کہ وادی نا ماحول بہوں دلکش ہے، ہور اتھاں خوشیاں بکھری نیاں ہین ہور کوئی فتنے فساد آلی چیز موجود نیہہ۔ ایہہ ہک خوشگوار جگہ ہے جتھاں زندگی نا ہر رنگ لبنا ہے۔
تریا بند:
| ہر سو صدائے سروری ہر سو صدائے حیدری ہر سو ہوائے عنبریؔ پُھل انوری پھل انظریؔ شاعر دا شیریں خواب توں اے وادی لولاب توں |
اس بند بچ روحانی پہلواں نا ذکر ہے۔ شاعر “صدائے سروری” اور “صدائے حیدری” نا ذکر کری اس گل نی عکاسی کرنا ہے کہ اتھاں روحانی ہور مذہبی بول بالا موجود ہے۔ ایہ ہک خواب نی مانند ہے، جتھاں شاعر اپنے تخیل نی دنیا کی پیش کیتا ہے۔
چوتھا بند:
| توں تحفہ تقدیر ہیں فردوس دی تصویر ہیں آئینہ کشمیر ہیں توں حوضِ شہد و شیر ہیں ہک نسخہ نایاب توں اے وادی لولاب توں |
چوتھے بند بچ وادی لولاب کی فردوس یعنی جنت نی تصویر قرار دتا گیا ہے۔ شاعر مزید آکھنا ہے کہ اے وادی کشمیر نی خوبصورتی ہور اس نے قدرتی نظاریاں کا شیشہ ہے۔ “حوضِ شہد و شیر” نا ذکر کری شاعر اس گل وخ اشارہ کرنا ہے کہ ایہہ جگہ زندگی نے میٹھے اور خوشگوار لمحیاں نی علامت ہے۔
پنجواں بند:
| ہے پہاند تیری دلربا خوش رنگ سوہنی خوشنما جاں بخش بانکی پُر فضا رنگینیِ باد صبا سر سبز تہ شاداب توں اے وادی لولاب توں |
پنجویں بند بج وادیِ لولاب نی دلکشی ہور خوشنما رنگینی نا ذکر کیتا گیا ہے۔ اس بند بچ “بانکی پُر فضا” اور “رنگینیِ باد صبا” جیسیاں لفظاں نی ترکیب نے ذریعے وادی نی خوبصورتی کی اجاگر کیتا گیا ہے۔ ایہہ بند وادی نی سرسبز زمین ہور صاف ستھرے ماحول نی عکاسی کرنا ہے۔
چھیماں بند:
| بریا دسیں ہک حور جی پُر رونق و پُر نور جی مسرور تہ مخمور جی بس اس گلوں مشہور جی کشمیر دا پنجاب توں اے وادی لولاب توں |
چھیمے بند بچ وادی لولاب کی جنت نی اک حور نال تشبیہ دتی گئی ہے، جیڑی بارونق ہور روشنی نال چمکنی نظر اچھنی ہے۔ایہہ وادی کشمیر نی خوبصورتی کی مزید بڑھانی ہے۔
ستماں بند:
| ندیاں تہ نہراں بگدیاں ہے رقص و نغمے دا سماں شفاف تر آب رواں تسنیم و کوثر دا گماں سر چشمہ سیماب توں اے دادی لولاب توں |
ستمے بند بچ پانی، نہراں ہور نغمیاں نا ذکر کیتا گیا ہے، جیڑے وادی نی زندگی کی خوشحال تہ خوشگوار بنانے ہین۔ “شفاف تر آب رواں” نا ذکر اس گل عکاسی کرنا ہے کہ اتھوں نا پانی بہوں صاف ستھرا ہور مٹھا ہے، جیہڑا جنت نے پانیاں آروں ہے۔
آٹھواں بند:
| میوے نی شاخاں پر لگے گو پانی سیم وزر لگے جوہر نتے گوہر لگے سرخاب دے یا پر لگے یا آپ ہیں سرخاب توں اے دادی لولاب توں |
آٹھویں بند بچ میویاں اور بوٹیاں نا ذکر کیتا گیا ہے، جیڑہے وادی نی زرخیزی کی ظاہر کرنے ہین۔ اس بند بچ “سرخاب” نا ذکر اس گل وخ اشارہ ہے کہ ایہہ جگہ قیمتی چیزاں نال پھری نی اے ہور طرح طرح نے ہیرے جواہرات وی اس وادی بچ لبنے ہین۔
نواں بند:
| پُر نور تیری شرد وی رُت گرم وی تہ سرد وی ہے خوب رو پر گرد وی سر سبز وی تہ زرد وی بے صبر تہ بے تاب توں اے وادی لولاب توں |
نواں بند وادی نے خشک و تر موسماں نے بارے دسنا ہے کہ اتھاں مختلف موسماں بچ وی خوبصورتی برقرار رہنی ہے۔ لفظ “بے صبر تہ بے تاب” کا ذکر اس گل کی ظاہر کرنا ہے کہ اس وادی نی خوبصورتی انسان کی بہوں متاثر کرنی ہے۔
دسواں بند:
| سیال رت خاموش ہے ہر رگ تیری کمجوش ہے تہرتی کفن بردوش ہے بے حرکت و بے ہوش ہے چٹی سفید ہک ڈاب توں اے وادی لولاب توں |
اس بند بچ وادی نے خاموش مگر متحرک ماحول نا ذکر ہے۔ “چٹی سفید ہک ڈاب” نا جملہ اس گل کی ظاہر کرنا ہے کہ وادی نی زمین ہمیشہ سرسبز و شاداب رہنی ہے، اتھاں مختلف موسماں بچ زندگی چین و سکون آلی ہوئی جانی اے۔
یارواں بند
| پاساں نی کوہ جنگلات خوب پِچ کھیتاں باغات خوب خوش بستیاں دیہات خوب ہوندے بسر اوقات خوب ہر رنگ لاجواب توں اے وادی لولات توں |
ایہہ بند وادی لولاب نے خوبصورت جنگلاں،بڈاں ہور باغاں نی تصویر پیش کرنا ہے جتھاں قدرت، زراعت، انسانی زندگی ہور ثقافت ایک دوّے سنگ ملی خوشحال تہ خوبصورت ماحول بنانے ہیں۔
مجموعی طور پر یہ نظم وادی لولاب کی قدرتی خوبصورتی، روحانی اثرات اور زرخیزی کو بیان کرتی ہے، جو کہ ایک جنت نظیر جگہ کی حیثیت رکھتی ہے۔ شاعر نے اپنی تخیل کے ذریعے اس وادی کی خوبصورتی کو زندہ کیا ہے، جو قاری کو مسحور کر دیتی ہے۔