Back to: پہاڑی زبان و ادب کے نوٹس
0
شمسی تہ قمری حروف
عربی تہ اردو زباناں نی طراں پہاڑی زبان بچ وی حروفِ تہجی نی تعداد 37 اے۔ انہاں بچوں کجھ حروف شمسی ہین تہ کجھ قمری۔ شمسی تہ قمری حرفاں نی تعداد 14- 14 اے یعنی 14 شمسی حرف ہین تہ 14 ہی قمری حرف ہین۔
حروفِ شمسی:
شمسی حروف اوہ حروف ہونے ہین جنہاں تھیں پہلاں اگر ”ال“ آوے تہ اس بچ ”ال“ پڑھیا نیہہ جانا لیکن ”ال“ تھیں بعد آلا شمسی حرف مشدد پڑھیا جاسی۔ مثال نے طور ور:
عظیم الشّان
منتخب التواریخ
اس تھیں علاوہ اگر ”ال“ تھیں پہلاں کوئی حرف نہ ہوئے تہ “ال” نا “ا” پڑھیا جاسی “ل” البتہ نہیں پڑھیا جان لگا۔ مثلاً :
السّلام علیکم
النّدوہ وغیرہ
حروف شمسی درج ذیل ہین:
| ت ، ث ، د ، ذ ، ر ، ز ، س ، ش ، ص ، ض ، ط ، ظ ، ل ، ن |
حروف قمری:
قمری حروف اوہ حروف ہونے ہین جنہاں تھیں پہلاں اگر ”ال“ آؤنا اے تہ اوہ پڑھیا وی جانا اے۔ مثال نے طور ور:
عیدالفطر
بیت المقدس
العالم
الفلاح وغیرہ
حروف قمری تعداد بچ 14 ہین جیہڑے درج ذیل ہین:
| ا ، ب ، ج ، ح ، خ ،ع ، غ ، ف ، ق ، ک ، م ، و ، ہ ، ی |
| تحریر: | ڈاکٹر ساجد منیر استاذ، شعبۂ پہاڑی بابا غلام شاہ بادشاہ یونیورسٹی راجوری |