Back to: پہاڑی زبان و ادب کے نوٹس
( لالچی کُتا)
ہک وار نی گل اے کہہ ہک گراں بِچ لالچی کتا رہنا سا۔ ہک دن اوہ بہوں پُکھا ہویا نا سا تے اُوراں پراں پِھرنے توں بعد ہک قصائی نی دُکان اگے جائی پُجیا۔ قصائی کی کتے اپر ترس ائی گیا تے اُس کُتے کی ہک ہڈی پھینکی چھوڑی۔ کتُے سُن ہڈی منہ بچ چائی تہ واپس مُڑی گیا۔ رستے بِچ کُتا جس ویلے دریا پار کرن لگا تے پُل اُپروں دریا بِچ نظر پئی۔ اِس ڈِٹھا کہ دریا بِچ ہک ہور کتا اے جس نے منہ بِچ وی ہک ہڈی ہے۔ اصل بِچ اوہ کُتا کوئی ہور نئی سا بلکہ اُسے کتے نہ نقشہ سا کتے نے دل بِچ اُس ہڈی نی لالچ ائی گئی کہ اوہ ہڈی وی اُس کتے کولوں کھسی کِناں۔ اِس جِس ویلے پونک مارنے وسطے منہ کھولیا تے جیہڑی ہڈی اِس نے منہ بِچ سی اوہ ہڈی وی ٹئی گئی۔ کتے کی ہڈی نے گمنے نا بڑا دکھ ہویا پر اِچر تک دیر ہو گئی سی تے اوہ مایوس ہو گیا۔
نوٹ:_ اس کہانی تھیں آساں کی سبق لبناں اے کہہ لالچ بُری بلا اے۔ جتنا تساں کی لبا نا اے اُس بچ خوش رہنا سکھو۔ جے تس دوّیاں نی چہزاں اُپر نظر رکھسو تے جیہڑا تساں کول اے اوہ وی ہتھاں بِچوں نکلی جاسی۔
| تحریر | وقاص حسین شاہ (جماعت نمبر_04-MIP-2025) |