Advertisement
آج کے دن آزاد ہوئے ہم
آج کے دن سب دور ہوئے غم
لہرایا آزاد فضا میں
چاند ستارے والا پرچم

14اگست ہماری زندگیوں میں سب سے اہم دن ہے اس دن ہم آزاد قوم کی حیثیت سے دنیا کے نقشے پر ابھرے۔ ہماری انفرادی واجتماعی خوشیوں کا محور و مرکز یہی دن ہے۔

Advertisement

ہمارا وطن عزیز پاکستان وہ وطن نہیں جو وراثت میں اس کے بسنے والوں کو ملا ہو بلکہ پاکستان کی بنیاد متحدہ ہندوستان کے مسلمانوں کی ہڈیاں، اینٹوں کی جگہ پانی کی جگہ استعمال ہوا ہے۔اتنی گراں قدر تکلیف کا اندازہ وہی لگا سکتا ہے جس نے تعمیر پاکستان میں تن، من، دھن، بیوی بچے، بھائی بہن، عزیزواقارب سب قربان کیے۔پاکستان یونہی حاصل نہیں ہو گیا تھا بلکہ اس کے حصول کے لیے لاکھوں مسلمانوں نے جام شہادت نوش کیا، کتنی ماؤں کے سامنے ان کے بچے قتل کر دئے گئے، کتنے باب سوم کے سامان ان کے خاندان کو مکانوں میں بند کرکے نذر آتش کردیا گیا، کتنی پاکدامنوں کو نہروں اور قوموں میں ڈوب کر پاکستان کی قیمت ادا کی، کتنے بچے یتیم ہوئے جو ساری عمر اپنے والدین کی شفقت کے لیے ترستے رہے۔

Advertisement

جناب صدر! اس کی وادیاں اپنے اندر فردوس کی دنیا لیے ہوئے ہیں۔ ہرے بھرے اور وسیع و عریض کھیت سونا اگل رہے ہیں۔ہم یہ بھی دیکھتے ہیں کہ ہمیں ہر قسم کی آزادی اور ہر طرح کا سامان، آسائش و آرائش میسر ہے مگر ہمیں پتہ ہونا چاہیے کہ اس میں سلطان ٹیپو کا خون، سرسید کی نگاہ دوربین، علامہ اقبال کا افکار،  قائداعظم کی جہد مسلسل اور دوسرے اکابرین کا آثار شامل ہے۔ ان سب کا مقصد ایک تھا اور وہ یہ تھا کہ "آزاد اور خودمختار اسلامی مملکت کا حصول”۔

Advertisement

عزیز ہم وطنو! 14 اگست 1947 وہ مبارک دن تھا جب مملکت خداداد پاکستان معرض وجود میں آئی۔مسلمانوں کا اتفاق اور قائداعظم کی خلوص کی وجہ سے یہ عظیم اسلامی سلطنت وجود میں آئی۔ہندوؤں نے طرح طرح کی مکاریوں سے پاکستان کی مخالفت کی۔انگریزوں نے بھی بہت رکاوٹیں پیدا کیں مگر خدا کا شکر ہے پاکستان بن کر رہنا تھا اور بن کر ہی رہا۔اس وقت مسلمانوں کا یہی نعرہ تھا۔

لے کے رہیں گے پاکستان، بن کے رہے گا پاکستان
اور پاکستان کا مطلب کیا، لا الہ الا للہ

دشمنوں نے قائداعظم کی اس تجویز پر تحقیق کی اور اس کی مخالفت میں ایڑی چوٹی کا زور لگایا۔ ہمارا مطالبہ پاکستان حق و صداقت پر مبنی تھا۔حق اپنے آپ کو منوا لیتا ہے اور دشمنوں کے ناپاک عزائم خاک میں مل جاتے ہیں۔ آج پاکستان اپنی عظمت کو دنیا سے تسلیم کروا چکا ہے۔

Advertisement

عزیز دوستو! ہمیں پاکستان سے محبت ہے، اس کے بانی سے عقیدت ہے، اس کے مصور سے دلی لگاؤ اور ان مجاہدین کے لئے ہمارے پاس مغفرت کی دعا ہے جنہوں نے اس کے لئے قربانیاں دیں۔قدرت نے پاکستان کو ہر نعمت سے نوازا ہے۔ یوم آزادی ہم سے ہر سال اسی عہد کی تجدید کرواتا ہے کہ ہم اس ملک کی حفاظت کریں گے، اس کی خدمت میں دن رات مصروف رہیں گے، پاکستان عالم اسلام اور اقوام عالم میں سب سے اعلی ملک کے طور پر ابھرے۔

آو دوستو! عزم کریں کہ جینا مرنا اسی ملک کی خاطر ہے اور ہر دم اس ملک کو سنوارنا ہے تاکہ شہیدوں کی روح سکون پا سکے!

Advertisement
پاکستان شاد رہے
دائم ہے آباد رہے
Advertisement

Advertisement

Advertisement