Advertisement

محترم صدر عالی وقار!! عزیز سامعین کرام!! السلام علیکم۔
آج میری تقریر کا عنوان کچھ ایسا ہے کہ مجھے یقین ہے تقریر کے اختتام تک یہاں موجود ہر شخص کی آنکھیں پُرنم ہوں گی اور دماغ کے پردے میں پرانا وقت فلم کی طرح دوڑے گا۔

Advertisement

عزیز لوگوں!
اسکول اور کالج کا آخری دن متضاد کیفیات کا حامل ہوتا ہے۔ اس دن سخت بندشوں میں جکڑی روٹین اور پڑھائی سے آزادی بھی ملتی ہے، جبکہ کئی سال وہاں گزارنے کے بعد وہاں سے جاتے ہوئے دل اداس بھی ہوتا ہے۔

Advertisement

طلبا اپنے اسکول کے آخری دن کو مختلف انداز سے یادگار بناتے ہیں۔ کئی طلبا کچھ ایسا کرتے ہیں جو ان کے اسکول اور پیچھے رہ جانے والے ان کے دیگر جماعتوں کے طلبا کو یاد رہے اور اس کے لیے وہ انوکھے طریقے ڈھونڈتے ہیں۔

Advertisement

عزیز سامعین
اس روز ان اساتذہ سے بچھڑنے کا بھی غم ہوتا ہے جو اس پوری اسکول یا کالج کی زندگی میں برے لگتے ہیں اور وہ ہم جماعت جن سے بہت اچھی بات نہیں ہوتی ان سے آخری مرتبہ گلے لگتے ہوئے بھی آنکھوں میں آنسو آجاتے ہیں۔ اس دن سب دوست کہتے ہیں ہم رابطے میں رہینگے لیکن دل گواہی دیتا ہے اور یہ دنیا کا دستور بھی ہے کہ انسان جہاں جائے وہیں کا ہوکر رہ جاتا ہے سو سب دوست زندگی کا اگلا سفر شروع کرتے ہیں, راہیں الگ ہوتی ہے اور دنیا کی اس بھیڑ میں دوست گُم ہوجاتے ہیں۔ وہ جن سے روز بات ہوتی تھی جن کے ساتھ گھنٹوں گزرتے تھے اب ان سے بات کرنے کے لیے وقت نکالنا پڑتا ہے۔

احبابِ کرام
وہ اساتذہ جن کی باتیں کبھی اہمیت کی حامل نہیں ہوتی تھیں اب وہ باتیں یاد آتی ہیں اور ان کی اہمیت کا اندازہ ہوتا ہے۔ اس آخری دن اسکول اور کالج کے ہر کارنر پر کی گئی تفریح آنکھوں کے سامنے آجاتی ہے اور یوں لگتا ہے کہ دل کسی نے مٹھی میں دبوچ لیا ہے۔ یہ خیال ہی جان لیوا ہوتا ہے کہ ہماری جگہ اب کوئی اور لے لے گا۔

Advertisement

صدر عالیٰ وقار
کہتے ہیں اسکول کا زمانہ بہترین زمانہ ہوتا ہے اور اس کا اندازہ ہمیں اس آخری دن ہی ہوتا ہے کہ واقعی اب یہ جگہ جہاں دن کا بہت سا وقت گزرتا تھا اب یہ جگہ شاید ہم سالوں میں کبھی دیکھیں۔ اسی طرح کالج اور یونیورسٹی کے آخری دن بھی ہمیں سب سے زیادہ دکھ اپنے دوستوں سے بچھڑنے کا ہوتا ہے۔ ہم نے جو بہت خواب دیکھے ہوتے ہیں زندگی بھر کے لیے آج دل کرتا ہے کہ وقت ہی رک جائے۔  اس دن کی مناسبت سے کسی شاعر کے کچھ اشعار پیش کرنا چاہوں گا :

بڑے اتاولے تھے جانے کو
زندگی کا اگلا پڑاؤ پانے کو
پر ناجانے کیوں آج خیال آتا ہے
وقت کو روکنے کا جی چاہتا ہے
جن باتوں کو لے کر روتے تھے
آج ان پر ہنسی آتی ہے
ناجانے کیوں , ان پلوں کی یاد بہت ستاتی ہے

اس دن تمام طلباء اپنے دل کی باتیں کرتے ہیں کیونکہ انھیں علم ہوتا ہے کہ اب انھیں یہ موقعہ شاید دوبارہ نہ ملے۔

Advertisement
کہیں ان کہیں ہزاروں باتیں رہ گئیں
نا بھولنے والی کچھ یادیں رہ گئیں

صدر عالیٰ وقار اس دن جو ڈر ہر بات پر غالب ہوتا ہے وہ اس بات کا ہوتا ہے کہ اب بہترین دوست اجنبی بن جائیں گے۔

کچھ اشعار عرض کرنا چاہوں گا؀

Advertisement
بس اِک بات سے ڈر لگتا ہے دوستوں
کہیں ہم اجنبی نہ بن جائیں دوستوں
زندگی کے رنگوں میں کہیں دوستی کا رنگ پھیکا نہ پڑجائے
کہیں ایسا نہ ہو دوسرے رشتوں کی بھیڑ میں  دوستی دم توڑ جائے
زندگی میں ملنے کی فریاد کرتے رہنا
اگر نہ مل سکے تو کم سے کم یاد کرتے رہنا

اس دعا کے ساتھ اجازت چاہوں گا کہ اللہ میرے تمام دوستوں کو کامیاب کرے۔
آمین۔
آپ سب کی سماعتوں کا شکریہ۔

Advertisement

Advertisement

Advertisement